കേരളത്തില് ഡിസംബര് 𝟯𝟭ന് രാത്രി സ്വകാര്യ പെട്രോള് പമ്പുകള് അടച്ചിടുമെന്ന് പ്രഖ്യാപിച്ചിട്ടുണ്ട്.
കേരളത്തില് ഇന്ന് ഡിസംബര് 31ന് രാത്രി 8.00 മുതല് ജനുവരി 1 പുലര്ച്ചെ 6.00 വരെ പെട്രോള് പമ്പുകള് അടച്ചിടും. ഗുണ്ടാ ആക്രമണം തടയാന് ആശുപത്രി സംരക്ഷണ നിയമം പോലെ നിയമനിര്മാണം വേണമെന്നാണ് ആവശ്യം. ഓള് കേരള ഫെഡറേഷന് ഓഫ് പെട്രോളിയം ട്രേഡേഴ്സ് ആണ് പ്രതിഷേധിക്കുന്നത്. രാത്രിയിലും മറ്റുമായി പെട്രോള് പമ്പ് ജീവനക്കാരെ ആക്രമിച്ച സംഭവങ്ങള് പലയിടത്തായി റിപ്പോര്ട്ട് ചെയ്തിരുന്നു.
സംസ്ഥാനത്തെ വിവിധ ജില്ലകളിലായി പെട്രോള് പമ്പുകള്ക്കു നേരെ നടക്കുന്ന ഗുണ്ടാ ആക്രമണത്തില് പ്രതിഷേധിച്ചാണ് നടപടി. പ്രശ്ന പരിഹാരമുണ്ടായില്ലെങ്കില് മാര്ച്ച് പത്ത് മുതല് രാത്രി പത്ത് മണി വരെയേ പമ്പുകള് പ്രവര്ത്തിക്കുകയുള്ളുവെന്നും അസോസിയേഷന് വ്യക്തമാക്കി.
യാത്രാ ഫ്യൂവല്സ് 𝟮𝟰 മണിക്കൂറും പ്രവര്ത്തിക്കുമെന്ന് കെഎസ്ആർടിസി. 14 യാത്രാ ഫ്യൂവല്സ് ഔട്ട്ലെറ്റുകളും എന്നത്തേയും പോലെ 24 മണിക്കൂറും പ്രവര്ത്തിക്കുമെന്നാണ് കെഎസ്ആർടിസി അറിയിച്ചത്. ഈ സേവനം പൊതുജനങ്ങള്ക്ക് പരമാവധി പ്രയോജനപ്പെടുത്താവുന്നതാണ്. തിരുവനന്തപുരം ഈസ്റ്റ് ഫോര്ട്ട്, വികാസ്ഭവന്, കിളിമാനൂര്, ചടയമംഗലം, പൊന്കുന്നം, ചേര്ത്തല, മാവേലിക്കര, മൂന്നാര്, മൂവാറ്റുപുഴ, പറവൂര്, ചാലക്കുടി, തൃശ്ശൂര്, ഗുരുവായൂര്, കോഴിക്കോട് എന്നിവിടങ്ങളിലാണ് കെഎസ്ആര്ടിസിയുടെ യാത്രാ ഫ്യൂവല്സുള്ളത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.