മാരകമായ മയക്ക് മരുന്നുമായി യുവതിയും സുഹൃത്തും പിടിയിൽ.

കോഴിക്കോട്: പേരാമ്പ്ര പന്നിമുക്കിൽ നിന്നും മാരകമായ മയക്ക് മരുന്നുമായി യുവതിയും സുഹൃത്തും പിടിയിൽ.

26 കാരിയായ അനുമോളും 30കാരനായ അജ്മൽ വിസിയും ആണ് മാരക മയക്കുമരുന്നുമായി പോലീസ് പിടികൂടിയത്. പേരാമ്പ്ര ഡിവൈഎസ്പിയ്ക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന.

മാരക മയക്കുമരുന്നായ എംഡിഎംഎയുമായി അനുമോളും സുഹൃത്ത് അജ്മലും വടകര റൂട്ടിൽ കാറിൽ സഞ്ചരിക്കുന്നുണ്ടെന്ന വിവരം ലഭിച്ച പോലീസ് പരിശോധന നടത്തുകയായിരുന്നു. തുടർന്ന് ഇവരിൽനിന്ന് 14.500ഗ്രാം എംഡിഎംഎ പോലീസ് പിടിച്ചെടുത്തു .

കോഴിക്കോട് കേന്ദ്രീകരിച്ച് കുറെനാളുകളായി അനുമോളും അജ്മലും ലഹരിമരുന്നു വിൽപ്പന നടത്തിവരികയായിരുന്നു . അനുമോളാണ് ആവശ്യക്കാരുമായി ബന്ധപ്പെട്ടിരുന്നത്.