കോട്ടയം: പാമ്പാടി, കൂരോപ്പടയിൽ ഇരുട്ടിന്റെ മറവിൽ സാമൂഹ്യ വിരുദ്ധർ വാഴത്തോട്ടം വെട്ടിനശിപ്പിച്ചു. പുരയിടം പാട്ടത്തിനെടുത്ത് കൃഷി ചെയ്യുന്ന ളാക്കാട്ടൂർ ഇടയ്ക്കാട്ട് ബാബുവിന്റെ വാഴത്തോട്ടമാണ് സാമൂഹ്യവിരുദ്ധർ കഴിഞ്ഞ ദിവസം വെട്ടിനശിപ്പിച്ചത്.
നാല്പതിലേറെ കുലച്ചു നിന്നിരുന്ന വാഴകളാണ് വെട്ടിക്കളഞ്ഞത്. വിളഞ്ഞ ഏതാനും കുലകളും നഷ്ടപ്പെട്ടിട്ടുമുണ്ട്. പഞ്ചായത്തിന്റെ വിവിധ സ്ഥലങ്ങളിൽ കൃഷി ചെയ്തുവരുന്ന തന്റെ ആദ്യത്തെ ദുരനുഭവമാണിതെന്ന് ബാബു പറയുന്നു. കൂരോപ്പട കോലത്തേട്ട് കുടുംബക്ഷേത്രത്തിന്റെ പുരയിടമാണിത്.പരാതിയുടെ അടിസ്ഥാനത്തിൽ പാമ്പാടി പോലീസ് സ്ഥലത്ത് എത്തി അന്വേഷണം ആരംഭിച്ചു. ജനപ്രതിനിധികളായ ദീപ്തി ദിലീപ്, അനിൽ കൂരോപ്പട, സന്ധ്യാ ജി. നായർ, മഞ്ജു കൃഷ്ണകുമാർ, കൃഷി ഓഫീസർ സുചിത, ടോമി മേക്കാട്ട്, ജോയിമോൻ വാക്കയിൽ, സണ്ണി വയലുങ്കൽ, സുധാകരൻ, എ.ജി സദാശിവൻ എന്നിവരും സംഭവസ്ഥലം സന്ദർശിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.