കോട്ടയത്ത് പാറക്കുളത്തിൽ വീണ കാറിനുള്ളിൽ മൃതദേഹം കണ്ടെത്തി.

കോട്ടയം: കോട്ടയം കാണക്കാരിയിൽ പാറക്കുളത്തിൽ കാണപ്പെട്ട കാറിനുള്ളിൽനിന്ന് മൃതദേഹം കണ്ടെത്തി. കൊണ്ടുക്കാല സ്വദേശി ലിജീഷാണ് മരിച്ചതെന്ന് തിരിച്ചറിഞ്ഞു.

വെള്ളിയാഴ്ച പുലർച്ചെയാണ് പാറക്കുളത്തിൽ കാർ കണ്ടെത്തിയത്. കാറിന്റെ ഭാഗം വെള്ളത്തിൽ ഉയർന്നുനിൽക്കുന്നതു കണ്ട നാട്ടുകാർ പോലീസിൽ വിവരമറിയിക്കുകയായിരുന്നു.

നിയന്ത്രണം വിട്ട കാർ പാറക്കുളത്തിലേക്ക് പതിച്ചതാകാമെന്നാണ് പോലീസിന്റെ പ്രാഥമിക നിഗമനം. കുറവിലങ്ങാട് പോലീസ് സ്ഥലത്തെത്തി മേൽനടപടികൾ സ്വീകരിച്ചു.