ബൈക്ക് നീക്കി വെച്ചത് പ്രകോപനം ' കോടഞ്ചേരിയില്‍ അച്ഛനെയും മകനെയും അയല്‍വാസി വെട്ടിപരിക്കേല്‍പിച്ചു.

കോഴിക്കോട്: കോടഞ്ചേരിയില്‍ അച്ഛനെയും മകനെയും അയല്‍വാസി വെട്ടിപരിക്കേല്‍പിച്ചു.

മൈക്കാവ് സ്വദേശി അശോക് കുമാര്‍, മകന്‍ ശരത്ത് എന്നിവര്‍ക്കാണ് അരിവാള്‍കൊണ്ട് വെട്ടേറ്റത്. ബൈക്ക് റോഡില്‍ നിന്ന് നീക്കി വെച്ചതിന് അയല്‍വാസിയായ ബൈജുവാണ് അക്രമം നടത്തിയത്.

കോടഞ്ചേരി മൈക്കാവ് കാഞ്ഞിരാട് മാടപ്പാട്ട് അശോക് കുമാര്‍, മകന്‍ ശരത്ത് എന്നിവര്‍ക്കാണ് വെട്ടേറ്റത്. ഇന്ന് രാവിലെ 7 മണിയോടെയായിരുന്നു സംഭവം. അയല്‍വാസിയും കര്‍ഷക കോണ്‍ഗ്രസ് നേതാവുമായ കിഴക്കേടത്ത് ബൈജു ആണ് അരിവാള്‍ കൊണ്ട് ഇവരെ വെട്ടിയത്.

അശോക് കുമാറിന്റെ വീട്ടിലേക്ക് കോണ്‍ക്രീറ്റിനുള്ള സാധനങ്ങളുമായി വന്ന ലോറി കടന്നു പോകാന്‍ വേണ്ടി റോഡിലുണ്ടായിരുന്ന ബൈജുവിന്റെ ബൈക്ക് നീക്കി വെച്ചതാണ് അക്രമത്തിന് കാരണമായത്.