മൂന്നു മാസം മുൻപ് വിവാഹിതയായ യുവതി ദുരുഹ സാഹചര്യത്തിൽ വീടിനുള്ളിൽ മരിച്ച നിലയിൽ

പറവൂർ: യുവതിയെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തി. പറവൂർ തേവർക്കാട് സ്വദേശിനി ശരണ്യയെയാണു സ്വന്തം വീട്ടിൽ ആത്മഹത്യ ചെയ്ത നിലയിൽ കണ്ടെത്തിയത്. മൂന്ന് മാസം മുൻപായിരുന്നു ശരണ്യയുടെ വിവാഹം. ഞായറാഴ്ച രാത്രിയായിരുന്നു സംഭവം.

രാത്രി എട്ട് മണിവരെ ശരണ്യയുടെ വീട്ടിൽ ഭർത്താവ് യദുകൃഷ്ണൻ ഉണ്ടായിരുന്നു. ഇതിനു ശേഷമാണ് യുവതി തൂങ്ങിമരിച്ചത്. പുലർച്ചെ ഒരു മണിക്കാണു മൃതദേഹം കണ്ടെത്തിയത്. 

പൊലീസ് സ്ഥലത്തെത്തി മൃതദേഹം കളമശേരി മെഡിക്കൽ കോളജിലേക്കു മാറ്റി. പോസ്റ്റ്മോർട്ടം നടത്തി. സംസ്കാരം തിങ്കളാഴ്ച രാവിലെ തോന്നിയേക്കാവ് പൊതുശ്മശാനത്തിൽ നടക്കും.