തിരുവനന്തപുരം: കേരളം ഇനി അഭിമുഖീകരിക്കാന്‍ പോകുന്നത് വന്‍ വൈദ്യുതി പ്രതിസന്ധിയും ഇതേ തുടര്‍ന്നുള്ള സാമ്പത്തിക ബാധ്യതയുമാണ്.
.jpeg)
അതേസമയം, മേയ് മാസം മുതലുള്ള വൈദ്യുതി പ്രതിസന്ധിക്ക് പരിഹാരം കാണാന്‍ കഴിഞ്ഞ ദിവസം വരെ 203 കോടി രൂപയുടെ അധിക ബാധ്യത വന്നിട്ടുണ്ടെന്ന് കെ.എസ്. ഇ.ബി വൈദ്യുതി റഗുലേറ്ററി കമ്മിഷനെ അറിയിച്ചിരുന്നു. ഏകദേശം 498 കോടി രൂപയോളമാണ് ഒരു കൊല്ലത്തെ നഷ്ടം.
കെ.എസ്.ഇ.ബി കുറേ കാലങ്ങളായി 465 മെഗാവാട്ട് വൈദ്യുതിയാണ് കേരളത്തിനു പുറത്തുള്ള നാലു കമ്ബനികളില്‍ നിന്നായി വാങ്ങിയിരുന്നത്. 25വര്‍ഷത്തെ വൈദ്യുതി കരാര്‍ അനുസരിച്ച്‌ ഈ വര്‍ഷം മേയ് വരെ കമ്ബനികളില്‍ നിന്ന് നാലു രൂപ 29 പൈസയ്ക്ക് 465 മെഗാവാട്ട് വൈദ്യുതി വാങ്ങിയിരുന്നു.
എന്നാല്‍ 18 വര്‍ഷം കൂടി കരാര്‍ കാലാവധിയുള്ളപ്പോഴാണ് ഇത് റദ്ദാക്കിയത്.ഇതോടെ 465 മെഗാവാട്ട് വൈദ്യുതി കൂടുതല്‍ വിലയ്ക്ക് വാങ്ങാന്‍ കെ.എസ്.ഇ.ബി നിര്‍ബന്ധിതമാകും.
കരാര്‍ റദ്ദാക്കിയതിനെ തുടര്‍ന്ന് കെ.എസ്.ഇ.ബി ഹ്രസ്വകാല കരാറിനും ദീര്‍ഘകാല കരാറിനും സ്വാപ് കരാറിനുമെല്ലാം കെ.എസ്.ഇ.ബി ടെന്‍ഡര്‍ വിളിച്ചിരുന്നുവെങ്കിലും 4.29 രൂപയ്ക്ക് പകരം എട്ടുരൂപയാണ് കമ്പിനികള്‍ ക്വാട്ട് ചെയ്തിരുന്നത്. ഇതോടെ തുടര്‍നടപടികള്‍ നിറുത്തിവയ്ക്കുകയായിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.