ഉഗാണ്ട : 70 വയസ്സുള്ള ഉഗാണ്ടൻ സ്ത്രീ ഇരട്ടക്കുട്ടികള്‍ക്ക് ജന്മം നല്‍കി. സഫീന നമുക്വായ എന്ന സത്രീയാണ് കമ്പാലയിലെ ഒരു ക്ലിനിക്കില്‍ ആണ്‍കുട്ടിക്കും പെണ്‍കുട്ടിക്കും ജന്മം നല്‍കിയത്.
ഹോസ്പിറ്റലും ഫെര്‍ട്ടിലിറ്റി കെയര്‍ സെന്ററും തങ്ങളുടെ ഫേസ്ബുക്ക് പേജില്‍ അമ്മയുടെയും കുഞ്ഞുങ്ങളുടെയും ചിത്രങ്ങള്‍ പങ്കുവെക്കുകയും സഫീനയെ അഭിനന്ദിക്കുകയും ചെയ്തു.
സഫീന ഫെര്‍ട്ടിലിറ്റി ചികിത്സയിലൂടെ ഐവിഎഫ് (വിട്രോ ഫെര്‍ട്ടിലൈസേഷൻ) വഴിയാണ് പ്രസവിച്ചതെന്നാണ് റിപ്പോര്‍ട്ട്. ഒരു ദാതാവിന്റെ അണ്ഡവും പങ്കാളിയുടെ ബീജവും ഉപയോഗിച്ചാണ് ഐവിഎഫ് പൂര്‍ത്തിയാക്കിയത്. മാസം തികയാതെയാണ് കുഞ്ഞുങ്ങള്‍ ജനിച്ചതെങ്കിലും അമ്മയും കുഞ്ഞുങ്ങളും പൂര്‍ണ്ണ ആരോഗ്യവാൻമാരാണ്.
വിമൻസ് ഹോസ്പിറ്റല്‍ ഇന്റര്‍നാഷണല്‍ ആൻഡ് ഫെര്‍ട്ടിലിറ്റി സെന്റര്‍ ഇതൊരു ചരിത്ര സംഭവമാണെന്ന് വിശേഷിപ്പിച്ചു.
"തീര്‍ച്ചയായും ഒരു ചരിത്ര നേട്ടം… ഈ കഥ കേവലം വൈദ്യശാസ്ത്ര വിജയത്തെക്കുറിച്ചല്ല; ഇത് മനുഷ്യാത്മാവിന്റെ ശക്തിയെയും പ്രതിരോധശേഷിയെയും കുറിച്ചാണ്," ഫെര്‍ട്ടിലിറ്റി സെന്റര്‍ ഫേസ്ബുക്കില്‍ പറഞ്ഞു.
സഫീനയുടെ രണ്ടാമത്തെ പ്രസവമാണിത്. 2020-ല്‍ ഒരു പെണ്‍കുട്ടിക്ക് ജന്മം നല്‍കിയിരുന്നു. കുട്ടികളില്ലാത്തതിനാല്‍ സഫീന നിരന്തം പരിഹസിക്കപ്പെട്ടുവെന്നും ഇതാണ് വീണ്ടും അമ്മയാകാൻ അവരെ പ്രേരിപ്പിച്ചതെന്നും മാദ്ധ്യമ റിപ്പോര്‍ട്ടുകളില്‍ പറയുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.