അമ്മയെ കളിയാക്കി സംസാരിച്ചെന്നാരോപിച്ച്‌ മുത്തച്ഛനെ കൊച്ചുമകൻ കൊലപ്പെടുത്തി,,

കർണ്ണാടക: കലബുറഗിയില്‍ അമ്മയെ കളിയാക്കി സംസാരിച്ചെന്നാരോപിച്ച്‌ മുത്തച്ഛനെ കൊച്ചുമകൻ കൊലപ്പെടുത്തി. ജവലഗ സ്വദേശി സിന്ത്രമപ്പയെയാണ് (74) കൊച്ചുമകൻ ആകാശ് (22) കൊലപ്പെടുത്തിയത്..

ആകാശിന്റെ അമ്മ സരോജമ്മാലിയെയാണ് സിന്ത്രമപ്പ കളിയാക്കിയതെന്ന് പോലീസ് പറഞ്ഞു. കഴിഞ്ഞദിവസം ബന്ധുവിന്റെ മരണാനന്തര ചടങ്ങില്‍ പങ്കെടുക്കാൻ കുടുംബാംഗങ്ങളെല്ലാവരും യാത്രപോയപ്പോഴാണ് സിന്ത്രമപ്പ സരോജമ്മാലിയെ കളിയാക്കിയത്.

സിന്ത്രമപ്പയോട് വാനിന്റെ മുകളില്‍ ഇരിക്കാൻ സരോജമ്മാലി ആവശ്യപ്പെട്ടപ്പോഴാണ് കളിയാക്കിയതെന്ന് പോലീസ് പറഞ്ഞു. വീട്ടിലെത്തിയശേഷം സരോജമ്മാലി ഈ വിവരം ആകാശിനോട് പറഞ്ഞു. ഇതേത്തുടര്‍ന്ന് രോഷാകുലനായ ആകാശ് മുത്തച്ഛനെ കൊലപ്പെടുത്തുകയായിരുന്നെന്ന് പോലീസ് പറഞ്ഞു.