ന്യൂഡല്ഹി: കേന്ദ്രസര്ക്കാറിന്റെ ‘ഭാരത് റൈസ്’ ബ്രാന്ഡിലുള്ള അരി ഉടന് വിപണിയിലേക്ക്. കിലോഗ്രാമിന് 25 രൂപ എന്ന കുറഞ്ഞ നിരക്കിലാവും അരി ചില്ലറ വില്പ്പനയ്ക്കായി എത്തുക.
അടുത്ത വര്ഷം നടക്കാനിരിക്കുന്ന പൊതുതിരഞ്ഞെടുപ്പിന് മുന്നോടിയായി അവശ്യ ഭക്ഷ്യവസ്തുക്കളുടെ വിലക്കയറ്റം പിടിച്ചുനിര്ത്താനുള്ള നടപടി എന്ന നിലയിലാണ് തീരുമാനമെന്നാണ് റിപ്പോര്ട്ട്.
ഭാരത് ആട്ട (ഗോതമ്പുപൊടി), ഭാരത് ദാല് (പരിപ്പ്) എന്നിവ കുറഞ്ഞ നിരക്കില് വിതരണം ചെയ്തതിന് പിന്നാലെയാണ് മോഡി സര്ക്കാര് ഭാരത് അരിയുമായി എത്തുന്നത്. സര്ക്കാര് ഏജന്സികളായ നാഷണല് അഗ്രികള്ച്ചറല് കോ-ഓപ്പറേറ്റീവ് മാര്ക്കറ്റിങ് ഫെഡറേഷന് ഓഫ് ഇന്ത്യ (നാഫെഡ്), നാഷണല് കോ-ഓപ്പറേറ്റീവ് കണ്സ്യൂമേഴ്സ് ഫെഡറേഷന് ഓഫ് ഇന്ത്യ ലിമിറ്റഡ് (എന്.സി.സി.എഫ്), കേന്ദ്രീയ ഭണ്ഡാല് ഔട്ട്ലെറ്റുകള്, സഞ്ചരിക്കുന്ന വില്പ്പനശാലകള് എന്നിവിടങ്ങളിലാണ് ഭാരത് റൈസ് ലഭിക്കുക.
രാജ്യത്ത് അരിയുടെ വില കുതിച്ചുയര്ന്നതാണ് ഭാരത് റൈസ് എന്ന ആശയത്തിലേക്ക് കേന്ദ്രസര്ക്കാരിനെ എത്തിച്ചത്. ഇന്ത്യയിലെ അരിയുടെ ശരാശരി ചില്ലറവില്പ്പന വില കിലോഗ്രാമിന് 43.3 രൂപയാണ്. മുന്വര്ഷത്തെക്കാള് 14.1 ശതമാണ് അരിക്ക് വര്ധിച്ചത്. ഭാരത് ആട്ട ബ്രാന്ഡിലുള്ള ഗോതമ്പുപൊടി കിലോഗ്രാമിന് 27.50 രൂപ നിരക്കിലും ഭാരത് ദാല് ബ്രാന്ഡിലുള്ള പരിപ്പ് കിലോഗ്രാമിന് 60 രൂപ നിരക്കിലുമാണ് സര്ക്കാര് വില്ക്കുന്നത്. 2000-ത്തിലേറെ വില്പ്പനകേന്ദ്രങ്ങള് മുഖേനെയാണ് ഇവ വില്ക്കുന്നത്. ഭാരത് റൈസും ഇതേ മാതൃകയില് വില്ക്കാനാണ് സര്ക്കാര് തീരുമാനം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.