മെഴുകുതിരി നിർമാണകേന്ദ്രത്തിന് തീപിടിച്ച് ഏഴുപേ‍ർക്ക് ദാരുണാന്ത്യം

പൂനെ: മഹാരാഷ്ട്രയിലെ പൂനെയിൽ മെഴുകുതിരി നിർമാണകേന്ദ്രത്തിന് തീപിടിച്ച് ഏഴുപേ‍ർക്ക് ദാരുണാന്ത്യം. നിരവധി പേർക്ക് പരിക്കേറ്റു. 

പൂനെയിലെ പിംപ്രി ചിഞ്ച്‌വാഡ് പ്രദേശത്തെ മെഴുകുതിരി നിർമാണ കേന്ദ്രത്തിലാണ് വെള്ളിയാഴ്ച ഉച്ചകഴിഞ്ഞ 2.45 ഓടെ തീ പിടുത്തമുണ്ടായത്. അഗ്നിശമന സേനയെത്തി തീ അണച്ചു.

VIDEO | A fire broke out in a factory near Talwade industrial area in Pimpri Chinchwad near Pune earlier today. Several workers were feared trapped in the incident. More details are awaited. pic.twitter.com/d5pr0VNqgb

— Press Trust of India (@PTI_News) December 8, 2023

പിറന്നാൾ ആഘോഷങ്ങൾക്ക് പൊതുവെ ഉപയോഗിക്കുന്ന മിന്നുന്ന മെഴുകുതിരികളാണ് ഫാക്ടറി നിർമ്മിച്ചത്.

മരിച്ച ഏഴുപേരിൽ കൂടുതലും സ്ത്രീകളാണെന്ന് അധികൃതർ പറഞ്ഞു. അതേസമയം, പരിക്കേറ്റ എല്ലാവരെയും ചികിത്സയ്ക്കായി അടുത്തുള്ള ആശുപത്രികളിൽ പ്രവേശിപ്പിച്ചതായി അധികൃതർ കൂട്ടിച്ചേർത്തു.