തീവണ്ടിയില്‍ നിന്ന് സ്ത്രീയെയും മകളെയും ടി.ടി.ഇ പ്ലാറ്റ് ഫോമിലേക്ക് തള്ളിയിട്ടു: പരാതിയുമായി യുവതി,

കോഴിക്കോട്: തീവണ്ടിയില്‍ നിന്ന് സ്ത്രീയെയും മകളെയും ടിടിഇ പ്ലാറ്റ് ഫോമിലേക്ക് തള്ളിയിട്ടതായി പരാതി. കോഴിക്കോട് റെയില്‍വേ സ്റ്റേഷനില്‍ ആണ് സംഭവം.

സ്റ്റേഷനില്‍ നിര്‍ത്തിയിട്ടിരിക്കുകയായിരുന്ന നേത്രാവതി എക്സ്പ്രസ് പുറപ്പെടുമ്പോഴാണ് സംഭവം എന്നാണ് യുവതി പറയുന്നത്.

ജനറല്‍ ടിക്കറ്റുമായി S2 കോച്ചില്‍ കയറിയെന്നുപറഞ്ഞാണ് ടിടിഇ തള്ളിയിട്ടതെന്ന് കണ്ണൂര്‍ സ്വദേശിയായ ശരീഫയും മകളും പറഞ്ഞു. ഇവര്‍ പൊലീസില്‍ പരാതി നല്‍കി. 

ട്രെയിൻ പെട്ടെന്ന് പുറപ്പെട്ടത് കാരണമാണ് റിസര്‍വ്വ്ഡ് കോച്ചില്‍ കയറേണ്ടി വന്നതെന്ന് യാത്രക്കാരിയുടെ ഭര്‍ത്താവ് പറഞ്ഞു. കൂടുതല്‍ വിവരങ്ങള്‍ ലഭ്യമായിട്ടില്ല.