തിരുവനന്തപുരം: ഉന്നതവിദ്യാഭ്യാസ വകുപ്പ് മന്ത്രി ആര്. ബിന്ദു രാജിവെക്കണമെന്നാവശ്യപ്പെട്ട് കെ.എസ്.യു. നടത്തിയ മാര്ച്ചില് സംഘര്ഷം.
തിരുവനന്തപുരം ഡി.സി.സി. ഓഫീസില് നിന്ന് ബേക്കറി ജങ്ഷൻ വഴിയാണ് മന്ത്രിയുടെ വസതിയിലേക്ക് പ്രതിഷേധ മാര്ച്ച് നടത്തിയത്. മാര്ച്ചിനിടെ പ്രവര്ത്തകര് കേരളീയം പരിപാടിയുടെ ഫ്ളക്സ് ബോര്ഡുകള് തകര്ക്കുകയും പി.പി. ചിത്തിരഞ്ജൻ എം.എല്.എയുടെ വാഹനം തടയുകയും ചെയ്തു. മന്ത്രിയുടെ വീടിന് നൂറ് മീറ്റര് ഇപ്പുറത്ത് പോലീസ് ബാരിക്കേഡ് തീര്ത്ത് മാര്ച്ച് തടഞ്ഞു.
ബാരിക്കേഡ് മറികടക്കാൻ പ്രവര്ത്തകര് ശ്രമിച്ചതോടെയാണ് മാര്ച്ച് സംഘര്ഷത്തിലേക്ക് നീങ്ങിയത്. തുടര്ന്ന് പോലീസ് മൂന്നുതവണ കെ.എസ്.യു. പ്രവര്ത്തകര്ക്കുനേരെ ജലപീരങ്കി പ്രയോഗിച്ചു. പക്ഷേ, പിരിഞ്ഞുപോകാൻ തയ്യാറാകാതിരുന്ന പ്രവര്ത്തകര് മുദ്രാവാക്യം വിളികളുമായി പ്രതിഷേധം തുടര്ന്നു.
വീണ്ടും പ്രവര്ത്തകര് അകത്തേക്ക് കയറാൻ ശ്രമിച്ചതോടെയാണ് സംഘര്ഷം രൂക്ഷമായത്. വനിതാ പ്രവര്ത്തകയുടെ മൂക്ക് പൊട്ടി രക്തമൊഴുകി. ഇവരെ ഉടൻ തന്നെ ആശുപത്രിയിലേക്ക് മാറ്റി.
പരിക്കേറ്റ മറ്റ് പ്രവര്ത്തകര് റോഡ് ഉപരോധിച്ചു. ആംബുലൻസ് എത്തിയാണ് ഇവരെ ആശുപത്രിയിലേക്ക് മാറ്റിയത്. അറസ്റ്റ് ചെയ്ത പ്രവര്ത്തകരെ കെ.എസ്.യു. പ്രവര്ത്തകര് ബലം പ്രയോഗിച്ച് മോചിപ്പിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.