ആലുവ: വിസ വാഗ്ദാനം ചെയ്ത് ലക്ഷങ്ങള് തട്ടിയ കേസില് ഒരാള് പിടിയില്. കന്യാകുമാരി വേദനഗര് ഇരുളപ്പപുരം ബാവാ കാസിം (49) നെയാണ് റൂറല് ജില്ല സൈബര് ക്രൈം പൊലീസ് അറസ്റ്റ് ചെയതത്.
ചെങ്ങന്നൂരിലെ ഒരു ഉഴിച്ചില് കേന്ദ്രത്തില് ചികിത്സയ്ക്ക് വന്നപ്പോളാണ് ബാവാ കാസിം രതീഷ് കുമാറിനെ പരിചയപ്പെട്ടത്. ഉത്തര്പ്രദേശില് എസ്.എസ് ട്രാവല്സ് എന്ന സ്ഥാപനം നടത്തുകയാണെന്നും, ഉയര്ന്ന ശമ്പളമുള്ള പാക്കിങ് ജോലി ശരിയാക്കിത്തരാമെന്നും വാഗ്ദാനം ചെയ്യുകയായിരുന്നു.
ഇതു പ്രകാരം രതീഷ് കുമാറും സുഹൃത്തുക്കളും പല ഘട്ടങ്ങളിലായി രണ്ട് ലക്ഷം വീതം എട്ട് ലക്ഷം രൂപ ഇയാള്ക്ക് കൈമാറി. ഇവരെ തിരുവനന്തപുരത്ത് മെഡിക്കല് പരിശോധനയ്ക്കും കൊണ്ടുപോയിരുന്നു.
തുടര്ന്ന് സിംഗിള് എൻട്രി വിസ എന്ന പേരില് വിസ പോലെ ഒരു പേപ്പര് വാട്സ് ആപ്പ് വഴി ഉദ്യോഗാര്ഥികള്ക്ക് ബാവാ കാസിം അയച്ചു കൊടുത്തു. തട്ടിപ്പാണെന്ന് മനസിലായതിനെ തുടര്ന്ന് ഫെമി പൊലീസില് പരാതിനല്കുകയും സൈബര് പൊലീസ് കേസെടുക്കുകയുമായിരുന്നു. അന്വേഷണത്തില് ഇയാള് പറഞ്ഞ ട്രാവല്സ് ഇല്ലെന്ന് കണ്ടെത്തി.
ബാവാ കാസിമിന്റെ അക്കൗണ്ട് വഴി ലക്ഷങ്ങളുടെ ഇടപാടുകള് നടന്നിട്ടുണ്ട്. കൂടുതല് പേര് തട്ടിപ്പിനിരയായിട്ടുണ്ടോയെന്നും, തട്ടിപ്പുസംഘത്തില് ഇയാളെക്കൂടാതെ ആളുകളുണ്ടോയെന്നും അന്വേഷിക്കുന്നുണ്ട്. നാഗര്കോവില് നിന്നാണ് പ്രതിയെ പിടികൂടിയത്.
എസ്.പി വൈഭവ് സക്സേനയുടെ നേതൃത്വത്തിലുള്ള അന്വേഷണ സംഘത്തില് സൈബര് പൊലീസ് സ്റ്റേഷൻ ഇൻസ്പെക്ടര് എം.ബി. ലത്തീഫ് സബ് ഇൻസ്പെക്ടര്മാരായ പി.ജി. അനൂപ്, എം.ജെ.ഷാജി, എ.ബി. റഷീദ് സീനിയര് സിവില് പൊലീസ് ഓഫിസര്മാരായ ഷിറാസ് അമീൻ, ലിജോ ജോസ്, പ്രിൻസ് സെബാസ്റ്റ്യൻ തുടങ്ങിയവരാണ് ഉണ്ടായിരുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.