പത്താം ക്ലാസ് വിദ്യാർത്ഥി വേമ്പനാട്ടുകായലില്‍ മരിച്ച നിലയില്‍

ആലപ്പുഴ :പത്താം ക്ലാസ് വിദ്യാർത്ഥിയെ വേമ്പനാട്ടുകായലില്‍ മരിച്ച നിലയില്‍ കണ്ടെത്തി. കുടവെച്ചൂര്‍ പുത്തൻതറയില്‍ പി എസ് ഷിജുവിന്‍റെ മകൻ ഷിനു(16) വാണ് മരിച്ചത്.

ചൊവ്വാഴ്ച രാവിലെ ചേര്‍ത്തല മാക്കേക്കടവ് ജെട്ടിക്ക് സമീപം കായലോരത്ത് നാട്ടുകാരാണ് മൃതദേഹം കണ്ടെത്തിയത്.  പിന്നീട് അഗ്നിരക്ഷാസേന കരയ്ക്കെത്തിച്ച മൃതദേഹം പോസ്റ്റ്മോര്‍ട്ടത്തിന് ശേഷം സംസ്കരിച്ചു.

കഴിഞ്ഞ ഒന്നിനാണ് ഷിനുവിനെ കാണാതായത്. ഒരുമാസം മുൻപ് വീടുവിട്ടുപോയ ഷിനുവിനെ കാസര്‍കോട്ടുനിന്ന് പോലീസ് കണ്ടെത്തി മാതാപിതാക്കളെ ഏല്‍പ്പിച്ചിരുന്നു.

കായലില്‍ ചാടി ജീവനൊടുക്കിയതായാണ് പോലീസ് നിഗമനം. കുമരകം എസ്കെഎം ഹയര്‍ സെക്കൻഡറി സ്കൂളിലെ വിദ്യാർത്ഥിയാണ്. അമ്മ: രജനി. സഹോദരി: പാറുക്കുട്ടി.