മുട്ടം കെഎസ്ഇബി സബ് സ്റ്റേഷന് സമീപം വാഹനമിടിച്ചു ഗുരുതരമായി പരിക്കേറ്റ് ചികിത്സയിലായിരുന്ന വയോധികന്‍ മരിച്ചു.

മുട്ടം: കാര്‍ ഇടിച്ച് ഗുരുതരമായി പരിക്കേറ്റ് ചികിത്സയിലായിരുന്ന വയോധികന്‍ മരിച്ചു. ശങ്കരപ്പിള്ളി അറയാനിപ്പാറ കൂഴശ്ശേരിയില്‍ രാഘവനാ(78) ണ് മരിച്ചത്.

ബുധനാഴ്ച രാത്രിയിൽ മുട്ടം കെഎസ്ഇബി സബ് സ്റ്റേഷന് സമീപമാണ് അപകടം നടന്നത്. മൂലമറ്റത്ത് നിന്നും തൊടുപുഴയിലേക്ക് പോയ കാർ നിയന്ത്രണം നഷ്ടപ്പെട്ട് രാഘവനെ ഇടിയ്ക്കുകയായിരുന്നു.

രാഘവനെ ആദ്യം തൊടുപുഴയിലെ സ്വകാര്യ ആശുപത്രിയില്‍ എത്തിച്ചു.പിന്നീട് കോലഞ്ചേരി മെഡിക്കല്‍ മിഷന്‍ ആശുപത്രിയിലേക്ക് മാറ്റി. കോലഞ്ചേരിയിൽ ചികിത്സയിലിരിക്കെ മരണം സംഭവിക്കുകയായിരുന്നു. ഭാര്യ: നളിനി. മക്കള്‍: രജനി, അയ്യപ്പദാസ്. മരുമകന്‍: സന്തോഷ്.