സർജപുര മലയാളി സമാജത്തിന്റെ ആഭിമുഖ്യത്തിൽ കേരള പിറവിയും കന്നഡ രാജ്യോത്സവവും ആഘോഷിച്ചു

കർണാടക :സർജപുര മലയാളി സമാജത്തിന്റെ ആഭിമുഖ്യത്തിൽ കേരള പിറവിയും കന്നഡ രാജ്യോത്സവവും ആഘോഷിച്ചു.

കോൺഫിഡന്റ് ആന്റിലിയ എൻക്ലേവിൽ നടന്ന ചടങ്ങ് എഴുത്തുകാരി ശ്രീമതി.രമ പ്രസന്ന പിഷാരടി ഉദ്ഘടാനം ചെയ്തു. മണ്ണിനെ മറക്കാതിരിക്കുന്നതിനൊപ്പം എന്നും നമ്മെ ചേർത്ത് നിർത്തിയ കന്നഡ മണ്ണിന്റെ മഹിമയെയും ഇവിടെ നിന്ന് നാം സ്വായത്തമാക്കേണ്ട ഭാഷയോടുള്ള സ്നേഹത്തെയും കുറിച്ച് അവർ സംസാരിച്ചു.

9 മുതൽ 12 ക്‌ളാസുകളിലെ വിദ്യാർത്ഥികൾക്കായി കരിയർ ഗൈഡൻസ് ക്‌ളാസ് ഈ രംഗത്തെ വിദഗ്ധനും മെമ്പറും ആയ ശ്രീ. ജയാനന്ദൻ നിർവഹിച്ചു.

പ്രസിഡന്റ് ജിജോ പാറക്കൽ, ജോയിന്റ് സെക്രട്ടറി പ്രിയേഷ്, കല സാഹിത്യ വേദി തട്ടകം കൺവീനർ രഞ്ജിത് എന്നിവർ പ്രസംഗിച്ചു. സമാജം അംഗങ്ങളുടെ സാംസ്‌കാരിക പരിപാടികളും അരങ്ങേറി.