നാലുവിദ്യാർത്ഥികളുടെ ദാരുണാന്ത്യത്തിൽ വിറങ്ങലിച്ച് പുത്തൂർ

തൃശ്ശൂർ; പുത്തൂരിനടുത്ത് ചിറയില്‍ കുളിക്കാനിറങ്ങിയ കോളജ് വിദ്യാർത്ഥികൾ മുങ്ങി മരിച്ചു.പുത്തൂര്‍ കൈനൂർ ചിറയിൽ ഉച്ച കഴിഞ്ഞ് 2.30 ഓടെയായിരുന്നു അപകടം. 

അബി ജോൺ, നിവേദ് കൃഷ്ണ, സിയാദ് ഹുസൈൻ, അർജുൻ അലോഷ്യസ് എന്നിവരാണ് മരിച്ചത്.അബി ജോൺ എൽത്തുരുത്ത് സെൻ്റ് അലോഷ്യസ് കോളജ് വിദ്യാർത്ഥിയാണ്.മരിച്ച മറ്റ് മൂന്ന് പേർ തൃശ്ശൂർ സെൻ്റ് തോമസ് കോളജിലെ വിദ്യാർത്ഥികളാണ്.

നാട്ടുകാരും അഗ്നിരക്ഷാസേനയും ചേർന്ന് രക്ഷാപ്രവർത്തനത്തിന് ശ്രമിച്ചെങ്കിലും  രക്ഷപ്പെടുത്താനായില്ല. നാല് പേരുടെയും മൃതദേഹങ്ങൾ കരയിൽ എത്തിച്ചു. സ്കൂബ ടീമും സ്ഥലത്ത് എത്തിയിരുന്നു മൃതദേഹങ്ങൾ അടുത്തുള്ള ആശുപത്രിയിൽ പോസ്റ്റുമോർട്ടത്തിനായി പ്രവേശിപ്പിച്ചു. തുടർന്ന് ബന്ധുക്കൾക്ക് വിട്ടുനൽകും.