ലക്ഷദ്വീപിൽ നിന്ന് കൊച്ചിയിലെത്തിയ യാത്രക്കാരെ പരിശോധിച്ച് പോലീസ് നായ ' കരണമറിയാതെ അങ്കലാപ്പിൽ യാത്രികർ

കൊച്ചി: മിനിക്കോയ് ദ്വീപിൽ നിന്നുള്ള യാത്രക്കാരുമായി ഇന്ന് കൊച്ചിയിലെത്തിയ എം.വി അറേബ്യൻ സീ എന്ന യാത്രാക്കപ്പലിലെ മുഴുവൻ യാത്രക്കാരെയും പോലീസ് നായയെ ഉപയോഗിച്ച് പോലീസ് പരിശോധിച്ചു.

യാതൊരു മുന്നറിയിപ്പുമില്ലാതെയും ഇതിനുമുൻപ് കേട്ടുകേൾവി പോലുമില്ലാത്തതുമായ, പോലീസ് നായയെ ഉപയോഗിച്ചുള്ള ഈ പരിശോധന യാത്രക്കാരെ ഒന്നടങ്കം പരിഭ്രാന്തിയിലാക്കി.

യാത്രക്കാരുടെ സാധനങ്ങൾ അടക്കം വ്യാപക പരിശോധനയാണ് നടന്നത്. സി.ഐ.എസ്.എഫ് നടത്തിയ ഈ പരിശോധനയുടെ കാരണമെന്താണെന്ന് അധികാരികൾ വ്യക്തമാക്കിയിട്ടില്ല.