കനത്ത മഴ യെല്ലോ അലര്‍ട്ട് നിലവില്‍; മൂന്ന് മണിക്കൂറുകളില്‍ സംസ്ഥാനത്തെ എല്ലാ ജില്ലകളിലും മഴ; ട്രെയിന്‍ ഗതാഗതം തടസപ്പെട്ടു.

തിരുവനന്തപുരം: തലസ്ഥാനത്തു പെയ്യുന്ന കനത്ത മഴയില്‍ ട്രെയിന്‍ ഗതാഗതം തടസപ്പെട്ടു. യെല്ലോ അലര്‍ട്ട് നിലവില്‍

കനത്തമഴയില്‍ കൊച്ചുവേളിയിലെ പിറ്റ് ലൈനില്‍ വെള്ളം കയറി.അതിനാൽ സമയക്രമത്തില്‍ മാറ്റം വരുത്തു കയാണെന്നു റെയിൽവേ അറിയിച്ചു. ട്രെയിന്‍ നമ്പര്‍ 12625 തിരുവനന്തപുരം - ന്യൂഡല്‍ഹി കേരള എക്സ്പ്രസ് സമയത്തില്‍ മാറ്റം വരുത്തിയതായി റെയില്‍വെ അറിയിച്ചു.

ഞായറാഴ്ച ഉച്ചയ്ക്ക് 12.30ന് പുറപ്പെടേണ്ടിയിരുന്ന തിരുവനന്തപുരം - ന്യൂഡല്‍ഹി കേരള എക്സ്പ്രസ് വൈകുന്നേരം 7.35ന് ആയിരിക്കും തിരുവനന്തപുരത്ത് നിന്ന് പുറപ്പെടുക.

കൂടുതൽ വിവരങ്ങൾക്ക് സന്ദർശിക്കുക   https://enquiry.indianrail.gov.in/mntes/

അടുത്ത മൂന്ന് മണിക്കൂറുകളില്‍ സംസ്ഥാനത്തെ എല്ലാ ജില്ലകളിലും മഴയുണ്ടാവും. ഒറ്റപ്പെട്ടയിടങ്ങളിൽ, ഇടിമിന്നലോടു കൂടിയ നേരിയതോ മിതമായതോ ആയ മഴയ്ക്കും, മണിക്കൂറിൽ 40 കിലോമീറ്റർ വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിമുള്ള സാധ്യതയാണ് കേന്ദ്ര കാലാവസ്ഥ വകുപ്പ് പ്രവചിച്ചിരിക്കുന്നത്.

ഇന്ന് പത്തനംതിട്ട, കോട്ടയം, എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് യെല്ലോ അലര്‍ട്ട്.

വരും ദിവസങ്ങളിലെ യെല്ലോ അലര്‍ട്ട് നിലവില്‍ ഇങ്ങനെ

ഒക്ടോബര്‍ 16, തിങ്കളാഴ്ച: പത്തനംതിട്ട, കോട്ടയം, എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്‌, കണ്ണൂർ, കാസർകോഡ്

ഒക്ടോബര്‍ 17, ചൊവ്വാഴ്ച: കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്‌

ഒക്ടോബര്‍ 18, ബുധന്‍: കൊല്ലം, പത്തനംതിട്ട, ആലപ്പുഴ, ഇടുക്കി, വയനാട്

പ്രത്യേക ജാഗ്രത നിർദ്ദേശം

മഴ കനക്കുന്ന സാഹചര്യത്തില്‍ പ്രത്യേക ജാഗ്രത നിർദ്ദേശങ്ങളുമുണ്ട്.

മലയോര മേഖലകളിൽ ശക്തമായ മഴയ്ക്ക് സാധ്യതലുള്ളതിനാല്‍, താഴ്ന്ന പ്രദേശങ്ങളിലും നഗരങ്ങളിലും വെള്ളക്കെട്ട് ഉണ്ടാവാന്‍ സാധ്യതയുണ്ട്. പൊതുജനങ്ങളും സർക്കാർ സംവിധാനങ്ങളും അതീവ ജാഗ്രത പാലിക്കണമെന്നും കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകുന്നു.