ജോലിയും പാരിതോഷികവും നല്‍കാതെ അവഗണിക്കുന്നു : സംസ്ഥാന സര്‍ക്കാരിനെതിരെ കായികതാരങ്ങള്‍,

തിരുവനന്തപുരം: രാജ്യാന്തര വേദികളില്‍ അഭിമാന നേട്ടങ്ങള്‍ സ്വന്തമാക്കിയിട്ടും സംസ്ഥാന സര്‍ക്കാര്‍ ജോലിയും പാരിതോഷികവും നല്‍കാതെ അവഗണിക്കുന്നുവെന്ന പരാതിയുമായി കേരളത്തിലെ കായികതാരങ്ങള്‍.

ഏഷ്യൻ ഗെയിംസ് മെഡല്‍ നേട്ടത്തിന് ശേഷമുള്ള അവഗണന ദുഃഖകരമാണെന്ന് പുരുഷ മധ്യദൂര ഓട്ടക്കാരന്‍ ജിൻസണ്‍ ജോണ്‍സൻ പറഞ്ഞു.2018ല്‍ മെഡല്‍ നേടിയിട്ട് അഞ്ച് വര്‍ഷമായി സര്‍ക്കാര്‍ ഓഫീസുകള്‍ കയറിയിറങ്ങി മടുത്തുവെന്ന് വനിതാ ലോംഗ്‌ജംപ് താരം വി നീനയും മീഡിയായോട് പറഞ്ഞു.

 കേരളത്തിലെ അവഗണന കാരണം താരങ്ങള്‍ സംസ്ഥാനം വിടാൻ നിര്‍ബന്ധിതര്‍ ആകുന്ന സാഹചര്യമാണ് നിലവിലുള്ളതെന്നും കായിക താരങ്ങള്‍ പറഞ്ഞു.