കോൺക്രീറ്റിങ് നടത്തുന്നതിനിടെ ഇരുനില വീട് തകർന്നു വീണു. അപകടത്തിൽ വീട്ടുടമസ്ഥൻ അടക്കം 5 പേർക്ക് പരുക്കേറ്റു.

കുന്നംകുളം: മുകൾനിലയുടെ കോൺക്രീറ്റിങ് നടത്തുന്നതിനിടെ പന്തല്ലൂരിൽ ഇരുനില വീട് തകർന്നു വീണു. അപകടത്തിൽ വീട്ടുടമസ്ഥൻ അടക്കം 5 പേർക്ക് പരുക്കേറ്റു.

പന്തല്ലൂർ കണ്ടിരുത്തി അഭിലാഷിന്റെ വീടാണു നിലംപൊത്തിയത്. അപകട സമയത്ത് ഗൃഹനാഥനും പതിനഞ്ചോളം നിർമാണ തൊഴിലാളികളും വീടിനു മുകളിൽ ഉണ്ടായിരുന്നു.

താഴത്തെ നിലയി‍ൽ ആരും ഇല്ലാത്തതിരുന്നത് വൻദുരന്തം ഒഴിവാക്കി. ആരുടെയും പരുക്ക് ഗുരുതരമല്ല. വീടിന്റെ തറയുടെ പിൻഭാഗം തകർന്നതാണ് അപകടം വരുത്തിയതെന്നാണു നിഗമനം.