ഇസ്രയേലിന് ഐക്യ​ദാർഢ്യം പ്രകടിപ്പിച്ച് ഇസ്രയേലിലെ ഇന്ത്യൻ സമൂഹം' അവസാന ശ്വാസം വരെ ഇസ്രയേൽനൊപ്പം നിൽക്കുമെന്ന് മലയാളികളടക്കമുള്ളവർ.. കേരളത്തിലെ മുഖ്യധാരാ മാധ്യമങ്ങൾ വ്യാജ വാർത്ത പ്രചരിപ്പിക്കുന്നു എന്നും ആരോപണം.

ജയ്മി മാത്യു, ഡെയ്ലി മലയാളി ✍️✍️

ടെൽ അവീവ്: ഇസ്രയേലിന് ഐക്യ​ദാർഢ്യം പ്രകടിപ്പിച്ച്  ഇസ്രയേലിലെ ഇന്ത്യൻ സമൂഹം ടെൽ അവീവിൽ റാലി നടത്തി, റാലിയിൽ നൂറുകണക്കിന് ലയാളികളും പങ്കെടുത്തു.

ഏകദേശം പതിനെണ്ണായിരത്തോളം ഇന്ത്യക്കാർ ഇസ്രായേലിൽ വർഷങ്ങളായി വിവിധ മേഖലകളിൽ ജോലിചെയ്യുന്നുണ്ട് ഇന്ത്യക്കാരിൽ അധികവും മലയാളികളാണ് ജോലിചെയ്യുന്നത്. തൊഴിൽപരമായും അല്ലാതെയും തങ്ങൾക്ക് സംരക്ഷണമൊരുക്കുന്ന ഇന്ത്യയുടെ അടുത്ത സുഹൃത്താണ് ഇസ്രായേൽ എന്ന് മലയാളികൾ അടക്കമുള്ളവർ പ്രതികരിച്ചു.

ഇന്ത്യയെപോലെ ഇസ്രായേലിന്റെ സംസ്കാരത്തിൽ അലിഞ്ഞു ചേർന്ന ദേശീയ വികാരത്തിനൊപ്പം അവസാന ശ്വാസം വരെ നിൽക്കുമെന്നും മലയാളികൾ പ്രതികരിച്ചു.

അതേ സമയം കേരളത്തിലെ മുഖ്യധാരാ മാധ്യമങ്ങൾ ഇസ്രായേൽ ഗാസ യുദ്ധത്തിൽ വ്യാജവാർത്തകൾ പ്രചരിപ്പിക്കുകയാണെന്നും മലയാളികൾ പ്രതികരിച്ചു.

കേരളത്തിലെ രാഷ്ട്രീയ പാർട്ടികൾ ന്യുനപക്ഷ വോട്ട് ലക്ഷ്യമിട്ട് ഇപ്പോൾ ഇസ്രായേലിനെ തള്ളിപ്പറയുകയാണെന്നും. കേരള സർക്കാരിന്റെ കീഴിൽ കൃഷിയടക്കമുള്ള പഠനങ്ങൾക്കായി ഏതാനും മാസം മുൻപ് ഇസ്രായേലിൽ എത്തി മടങ്ങിയവർ ഇപ്പോൾ ഹാമസ് തീവ്രവാദികളെ പിന്തുണയ്ക്കുന്ന സാഹചര്യം ലജ്ജിപ്പിക്കുന്നതാണെന്നും ഇസ്രായേലിലെ മലയാളി സമൂഹം വ്യക്തമാക്കി.

ഹമാസ് തീവ്രവാദികൾ ഇസ്രായേലിൽ മിന്നൽ ആക്രമണം നടത്തി നിരവധി ആളുകളെ ബന്ധികളാക്കി കൊണ്ടുപോയപ്പോഴും രാജ്യത്ത് ആകമാനമുള്ള ഇന്ത്യൻ സമൂഹത്തിന്റെ സുരക്ഷ ഉറപ്പ് വരുത്താൻ ഇസ്രായേൽ ശ്രമിച്ചുവെന്നും ഇന്ത്യൻ സമൂഹം പ്രതികരിച്ചു.