വീട്ടമ്മയുടെ കണ്ണില്‍ മണല്‍ വാരിയെറിഞ്ഞ് മാല പൊട്ടിച്ചു; പ്രതിയെ ഓടിച്ചിട്ടു പിടിച്ച്‌ നാട്ടുകാര്‍,

കോഴിക്കോട്: നാദാപുരത്ത് വീട്ടമ്മയുടെ കണ്ണില്‍ മണല്‍ വാരിയെറിഞ്ഞ് സ്വര്‍ണമാല പൊട്ടിച്ച്‌ ഓടിയ യുവാവ് പിടിയില്‍.

വാണിമേല്‍ കൊടിയൂറ സ്വദേശി സാജുവിനെയാണ് അറസ്റ്റ് ചെയ്തത്. റോഡിലൂടെ നടന്നു പോവുകയായിരുന്നു വീട്ടമ്മയുടെ അടുത്ത് വന്ന പ്രതി മണല്‍ വാരി കണ്ണില്‍ എറിഞ്ഞ ശേഷം അഞ്ച് പവന്‍റെ സ്വര്‍ണമാല പൊട്ടിച്ച്‌ ഓടുകയായിരുന്നു. 

വീട്ടമ്മ ബഹളം വെച്ചതോടെ നാട്ടുകാര്‍ ചേര്‍ന്ന് പ്രതിയെ ഓടിച്ചിട്ട് പിടികൂടുകയും തുടര്‍ന്ന് പോലീസില്‍ ഏല്‍പ്പിക്കുകയുമായിരുന്നു.