ന്യൂഡല്ഹി: എസ് എന് സി ലാവലിന് കേസ് സുപ്രീംകോടതി ചൊവ്വാഴ്ച വീണ്ടും പരിഗണിക്കും. ജസ്റ്റിസ് സൂര്യകാന അധ്യക്ഷനായ ബെഞ്ചാകും കേസ് പരിഗണിക്കുക. .jpeg)
2017ല് സുപ്രീംകോടതിയിലെത്തിയ കേസ് ആറ് വര്ഷത്തിനിടെ നാല് ബെഞ്ചുകളിലായി 35 തവണയാണ് ലിസ്റ്റ് ചെയ്യപ്പെടുന്നത്. ഇക്കഴിഞ്ഞ ഒക്ടോബര് പത്തിനും കേസ് ലിസ്റ്റ് ചെയ്തിരുന്നെങ്കിലും സുപ്രീം കോടതി പരിഗണിച്ചിരുന്നില്ല. തിരക്ക് കാരണം കേസ് പരിഗണിക്കാന് സമയം ലഭിക്കാത്തതായിരുന്നു കാരണം. വാദം കേട്ട മറ്റു കേസുകള് നീണ്ടു പോയതിനാല് സമയ പരിമിതി കാരണമാണ് ലാവലിന് കേസ് ഒക്ടോബര് പത്തിന് പരിഗണിക്കാതിരുന്നത്.
കഴിഞ്ഞ സെപ്റ്റംബറിലും കേസ് പരിഗണനയ്ക്ക് എത്തിയെങ്കിലും സിബിഐക്ക് വേണ്ടി ഹാജരാകുന്ന അഡീഷണല് സോളിസിറ്റര് ജനറല് എസ് വി രാജു മറ്റൊരു കേസിന്റെ തിരക്കിലായതിനാല് കേസ് മാറ്റുകയായിരുന്നു. പന്നിയാര്, ചെങ്കുളം, പള്ളിവാസല് ജലവൈദ്യുത പദ്ധതികളുടെ നവീകരണത്തിന് കാനഡയിലെ എസ്എന്സി ലാവലിന് കമ്പനിയുമായി കരാറുണ്ടാക്കിയതില് ക്രമക്കേടുണ്ടായെന്നും ഇതുവഴി 86.25 കോടിയുടെ നഷ്ടം സംഭവിച്ചുവെന്നുമാണ് കേസ്.
മുഖ്യമന്ത്രി പിണറായി വിജയന്, ഊര്ജവകുപ്പ് സെക്രട്ടറി കെ. മോഹനചന്ദ്രന്, ജോയിന്റ് സെക്രട്ടറി എ ഫ്രാന്സിസ് എന്നിവരെ കുറ്റവിമുക്തരാക്കിയ 2017-ലെ ഹൈക്കോടതി വിധിക്കെതിരെ സിബിഐ സമര്പ്പിച്ച ഹര്ജിയാണ് സുപ്രീംകോടതിയുടെ പരിഗണനയിലുള്ള ഒന്ന്.
വിചാരണ നേരിടേണ്ട വൈദ്യുതിബോര്ഡ് മുന് സാമ്പത്തിക ഉപദേഷ്ടാവ് കെ ജി രാജശേഖരന് നായര്, ബോര്ഡ് മുന് ചെയര്മാന് ആര്. ശിവദാസന്, മുന് ചീഫ് എന്ജിനിയര് കസ്തൂരിരംഗ അയ്യര് എന്നിവര് ഇളവുവേണമെന്ന് ആവശ്യപ്പെടുന്ന ഹര്ജികളും സുപ്രീംകോടതിയുടെ പരിഗണനയിലുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.