മുൻകോപം മാറ്റാൻ ചികിത്സയ്ക്കെത്തി, ചികിത്സയുടെ പേര് പറഞ്ഞ് മുറിയില്‍ കയറ്റി ബലാത്സംഗം; ആലപ്പുഴയില്‍ വ്യാജ സിദ്ധൻ പിടിയില്‍,

ആലപ്പുഴ: ചികിത്സയ്ക്കെന്ന പേരില്‍ യുവതിയെ ബലാത്സംഗം ചെയ്ത കായംകുളം പെരിങ്ങാല ദാറുല്‍ ഫാത്തിമ പേരേത്ത് വീട്ടില്‍ 49-കാരനായ സലിം മുസ്ലിയാരെ കായംകുളം പൊലീസ് അറസ്റ്റ് ചെയ്തു.

ഇയാളുടെ വീട്ടിലേക്ക് മുൻകോപം മാറ്റുന്നതിനായാണ് ബന്ധു മുഖേന യുവതി എത്തിയത്. ചികിത്സയുടെ പേര് പറഞ്ഞ് മുറിയില്‍ കയറ്റി ബലാത്സംഗം ചെയ്യുകയായിരുന്നു.

സംഭവത്തില്‍ യുവതി പൊലീസില്‍ പരാതിപ്പെട്ടതോടെയാണ് അറസ്റ്റ്. കായംകുളം ഇൻസ്പെക്ടര്‍ എസ് എച്ച്‌ ഒ മുഹമ്മദ് ഷാഫി, സബ്ബ് ഇൻസ്പെക്ടര്‍മാരായ ഉദയകുമാര്‍, ശ്രീകുമാര്‍, പൊലീസ് ഉദ്യോഗസ്ഥരായ റീന, ജയലക്ഷ്മി, സബീഷ്, ഹാരിസ് എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്. കായംകുളം കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.