ത്രിശൂരിൽ രണ്ട് സ്ഥലങ്ങളിലായി ഉണ്ടായ അപകടങ്ങളിൽ മൂന്ന് യുവാക്കൾ മരിച്ചു.

കയ്പമംഗലം; ത്രിശൂരിൽ രണ്ട് സ്ഥലങ്ങളിലായി ഉണ്ടായ അപകടങ്ങളിൽ മൂന്ന് യുവാക്കൾ മരിച്ചു. തൃശൂർ കയ്പമംഗലത്ത് ഇന്ന് പുലർച്ചെ 1 മണിയോടെ കാർ മരത്തിലിടിച്ച് തകർന്ന് രണ്ട് യുവാക്കൾ മരിച്ചു. ഇവർ നബിദിനാഘോഷ പരിപാടിയിൽ പങ്കെടുത്ത് മടങ്ങുകയായിരുന്നു.

7 പേരാണ് കാറിലുണ്ടായിരുന്നത്.മതിലകത്ത് വീട്ടിൽ മുഹമ്മദിന്റെ മകൻ 19 വയസുള്ള അബ്ദുൾഹസീബ്, കുന്നുങ്ങൽ അബ്ദുൾ റസാഖിന്റെ മകൻ ഹാരിസ് എന്നിവരാണ് മരിച്ചത്. കാറിലുണ്ടായിരുന്ന മറ്റു 5 പേർക്ക് പരിക്ക് പറ്റിയിട്ടുണ്ട്. ഇവരെ ആശുപത്രിയിൽ പ്രവേശിപ്പിച്ചു. 

പൊലീസ് എത്തി തുടർ നടപടികൾ സ്വീകരിച്ചു.തൃശൂർ മണ്ണുത്തി ആറാം കല്ലിൽ ബൈക്ക് ഡിവൈഡറിലിടിച്ച് മറിഞ്ഞാണ് ഒരു യുവാവ് തൽക്ഷണം മരിച്ചത്. 27 വയസുള്ള പാണഞ്ചേരി സ്വദേശി വിഷ്ണുവാണ് മരിച്ചത്. ഇന്ന് പുലർച്ചെ മുതൽ ചാറ്റൽ മഴ പെയ്യുന്നുണ്ടായിരുന്നു. ഇതിനിടെയാണ് അപകടങ്ങൾ ഉണ്ടായത്