മുട്ടം വാഗമൺ റൂട്ടിൽ' ഓടിക്കൊണ്ടിരുന്ന കാറിന് തീപിടിച്ച് യാത്രക്കാർ അത്ഭുതകരമായ് രക്ഷപെട്ടു' കാർ പൂർണ്ണമായി കത്തിനശിച്ചു

മൂലമറ്റം;ഓടിക്കൊണ്ടിരുന്ന കാറിനു തീപിടിച്ച് കാർ പൂർണമായി കത്തിനശിച്ചു. യാത്രക്കാർക്കു പരുക്കില്ല.

പെരുമ്പാവൂരിൽ നിന്നു വാഗമണ്ണിലേക്കു പോയ കാർ ഇന്നലെ രാത്രി 7നു കാഞ്ഞാർ–വാഗമൺ റൂട്ടിൽ പുത്തേടിനു സമീപമാണു കത്തിനശിച്ചത്. പുക ഉയരുന്നത് കണ്ട യാത്രക്കാരായ 7 പേർ ഇറങ്ങി ഓടിയതിനാൽ വൻ ദുരന്തം ഒഴിവായി. 

മൂലമറ്റത്തുനിന്നെത്തിയ അഗ്നിരക്ഷാസേനയും നാട്ടുകാരും കാഞ്ഞാർ പൊലീസും ചേർന്നാണു തീയണച്ചത്.തീപിടിക്കാനുണ്ടായ സാഹചര്യം എന്താണെന്ന് വ്യക്തമല്ല കൂടുതൽ പരിശോധനകൾ ആവശ്യമാണെന്ന് അധികൃതർ പറഞ്ഞു