വ്യക്തിഹത്യയ്ക്കും അപവാദ പ്രചരണങ്ങൾക്കും എതിരെയുള്ള വിജയം: സജി മഞ്ഞക്കടമ്പിൽ

കോട്ടയം:ഉമ്മൻചാണ്ടിസാർ കേരളത്തിൽ നടപ്പാക്കിയ കരുതലിന്റെയും കാരുണ്യത്തിന്റെയും പ്രതിഫലനമാണ് പുതുപ്പള്ളി ഉപതെരഞ്ഞെടുപ്പിലെ ഉജ്ജ്വല വിജയത്തിന്റെ മുഖ്യ ഘടകമായതെന്ന് യുഡിഎഫ് കോട്ടയം ജില്ലാ ചെയർമാൻ സജി മഞ്ഞക്കടമ്പിൽ അഭിപ്രായപ്പെട്ടു.

കേന്ദ്ര-സംസ്ഥാന സർക്കാരുകളുടെ ജനദ്രോഹ ദുർഭരണത്തിനും വിലക്കയറ്റത്തിനും അഴിമതിക്കും എതിരെയുള്ള ജനവിധി കൂടിയാണ് പുതുപ്പള്ളിയിൽ ഉണ്ടായിരിക്കുന്നതെന്നും,

ഉമ്മൻചാണ്ടി  ജീവിച്ചിരുന്നപ്പോൾ സ്ത്രീ വിഷയത്തിൽ വേട്ടയാടുകയും, അദ്ദേഹത്തെ കല്ലെറിയുകയും ചെയ്തശേഷം അദ്ദേഹത്തിന്റെ മക്കളെയും അപമാനിച്ചതിന് പുതുപ്പള്ളിയിലെ ജനാധിപത്യ വിശ്വാസികളുടെ താക്കീതാണ് തിരഞ്ഞെടുപ്പ് ഭലം എന്നും ,

53 വർഷം പുതുപ്പള്ളിയെ നെഞ്ചോട് ചേർത്ത് പിടിച്ച ഉമ്മൻചാണ്ടി പുതുപ്പള്ളിയിൽ വികസനം ഏർപ്പെടുത്തിയില്ല എന്ന ഇടതുപക്ഷത്തിന്റെ വ്യാജ പ്രചരണത്തെ പുതുപ്പള്ളിയിലെ ജനങ്ങൾ അർഹിക്കുന്ന അവജ്ഞയോടെ പുച്ഛിച്ചു തള്ളിയെന്നും സജി പറഞ്ഞു.

യുഡിഎഫിനെ വഞ്ചിച്ച് കെഎം മാണി സാറിനെ ഏറ്റവും കൂടുതൽ അപമാനിച്ച്, വേട്ടയാടിക്കൊപ്പം എൽ ഡി എഫിനൊപ്പം പുറപ്പെട്ട ജോസ് കെ മാണി കൂട്ടരും പുതുപ്പള്ളിയിൽ മാറ്റം സൃഷ്ടിക്കുമെന്ന് പറഞ്ഞ് പ്രചരണം നടത്തിയിട്ടും പുതുപ്പള്ളിയിലെ കെ.എം.മാണിയെ സ്നേഹിക്കുന്ന കേരളാ കോൺഗ്രസ് പ്രവർത്തകർ കെ.എം.മാണിയെ അപമാനിച്ചവർക്ക് എതിരെ വോട്ട് രേഖപ്പെടുത്തിയിരിക്കുകയാണെന്നും,

പുതുപ്പള്ളിയിൽ ഒരു ചലനവും സൃഷ്ടിക്കാൻ പറ്റത്ത ജോസ് കെ.മാണി പാർട്ടിപിരിച്ചുവിടുകയാണ് വേണ്ടതെന്നും സജി ആവശ്യപ്പെട്ടു.