കേരളീയം കേരളത്തില്‍ ഇതുവരെയുണ്ടായിട്ടില്ലാത്ത മഹോത്സവം': മുഖ്യമന്ത്രി പിണറായി വിജയൻ,

തിരുവനന്തപുരം: കേരളത്തിന്‍റെ ചരിത്രത്തില്‍ ഇന്നുവരെയുണ്ടായിട്ടില്ലാത്ത മഹോത്സവമാണ് കേരളീയം .2023 പരിപാടിയിലൂടെ തലസ്ഥാന നഗരിയില്‍ നടക്കാൻ പോകുന്നതെന്ന് മുഖ്യമന്ത്രി പിണറായി വിജയൻ.

തലസ്ഥാന നഗരിയില്‍ നവംബര്‍ ഒന്നു മുതല്‍ ഏഴു വരെ സംസ്ഥാന സര്‍ക്കാര്‍ സംഘടിപ്പിക്കുന്ന “കേരളീയം 2023′ പരിപാടിയുടെ സംഘാടകസമിതി ഓഫീസിന്‍റെ ഉദ്ഘാടനവും വെബ്‌സൈറ്റിന്‍റെയും ലോഗോയുടെയും പ്രകാശനവും കനകക്കുന്ന് പാലസ് ഹാളില്‍ നിര്‍വഹിച്ചു സംസാരിക്കുകയായിരുന്നു മുഖ്യമന്ത്രി.

വരാൻ പോകുന്ന കാലത്ത് കേരളത്തിന്‍റെ സ്വീകാര്യത ലോകരംഗത്ത് ഉയര്‍ത്താൻ പോകുന്ന മഹാസംരംഭം എന്ന നിലയിലാവും ജനമനസുകളില്‍ ഈ പരിപാടി ഇടം പിടിക്കാൻ പോകുന്നത് എന്നും മുഖ്യമന്ത്രി പറഞ്ഞു.