ഇടുക്കി ചെറുതോണി അണക്കെട്ടിൽ വൻ സുരക്ഷാ വീഴ്ച്ച

ചെറുതോണി: ഇടുക്കി ചെറുതോണി അണക്കെട്ടിൽ വൻ സുരക്ഷാ വീഴ്ച്ച. അനധികൃതമായി ഡാമിൽ കയറിയ യുവാവ് ഹൈമാസ് ലൈറ്റിനു ചുവട്ടിൽ താഴിട്ടു പൂട്ടി.

ഡാമിന്‍റെ ഷട്ടറുകള്‍ ഉയത്തുന്ന റോപ്പിൽ എന്തോ ദ്രാവകം ഒഴിച്ച ശേഷം യുവാവ് കടന്നുപോകുന്നതായി സിസിടിവി ദൃശ്യങ്ങളില്‍ നിന്ന് കണ്ടെത്തി. കഴിഞ്ഞ ജൂലൈ 22 ന് പകൽ 3.15 നാണ് സംഭവം.

കെ എസ് ഇ ബി യുടെ പരാതിയിൽ ഇടുക്കി പോലീസ് കേസെടുത്തു.ഇടുക്കി ജില്ലാ പോലീസ് സൂപ്രണ്ട് ഡാമിൽ പരിശോധന നടത്തി. വിശദമായ പരിശോധനകൾ നടത്തുമെന്ന് അദ്ദേഹം പറഞ്ഞു.