നിർത്തിയിട്ടിരുന്ന ടോറസ് ലോറിയിൽ കെഎസ്ആർടിസി ബസിടിച്ച് നിരവധി യാത്രക്കാർക്ക് പരുക്ക്

ചേർത്തല: ദേശീയപാതയിൽ ചേർത്തല അർത്തുങ്കൽ ബൈപാസിൽ നിർത്തിയിട്ടിരുന്ന ടോറസ് ലോറിയിൽ കെഎസ്ആർടിസി ബസിടിച്ച് നിരവധി യാത്രക്കാർക്ക് പരുക്ക്.

പരുക്കേറ്റവരിൽ സ്ത്രീകളും കുട്ടികളുമുണ്ട്. മൂന്നു പേരുടെ നില ഗുരുതരമാണ്. രണ്ടുപേരെ ആലപ്പുഴ മെഡിക്കൽ കോളജിലും ഒരാളെ കോട്ടയം മെഡിക്കൽ കോളജിലേക്കും മാറ്റി.

23 പേർ ചേർത്തല താലുക്ക് ആശുപത്രിയിൽ ചികിത്സ തേടി. ഇന്ന് ഉച്ചയ്ക്ക് 12.50 നാണ് അപകടമുണ്ടായത്. ചേർത്തലയിൽ നിന്ന് തോപ്പുംപടിയിലേക്ക് പോയ ബസാണ് അപകടത്തിൽ പെട്ടത്.