''നടി അനുശ്രീ സഞ്ചരിച്ചിരുന്ന കാറിടിച്ച് ഇടുക്കി സ്വദേശികളായ രണ്ട് പേർക്ക് പരുക്ക്'ഒരാളുടെ നില ഗുരുതരം ''

തൊടുപുഴ;നടി അനുശ്രീ സഞ്ചരിച്ചിരുന്ന കാർ ഇടിച്ച് ബൈക്ക് യാത്രക്കാരായ രണ്ടു യുവാക്കൾക്ക് പര‍ുക്കേറ്റു.ഇടുക്കി മുള്ളരികുടിയിൽ വച്ചാണ് അപകടമുണ്ടായത്.

സഹോദരങ്ങളായ ജിഷ്ണു, വിഷ്ണു എന്നിവർക്കാണ് പരുക്കേറ്റത്. ഇരുവരെയും നെടുങ്കണ്ടത്തെ സ്വകാര്യ ആശുപത്രിയിൽ പ്രവേശിപ്പിച്ചു. 

നെടുങ്കണ്ടത്ത് ഒരു സ്വകാര്യ സ്ഥാപനത്തിന്റെ ഉദ്‌ഘാടനത്തിനുശേഷം മടങ്ങുകയായിരുന്നു നടി.നാട്ടുകാരും നടിയും ചേർന്നാണ് മറ്റൊരു വാഹനത്തിൽ യുവാക്കളെ ആശുപത്രിയിൽ എത്തിച്ചത്.ഒരാളുടെ പരുക്ക് ഗുരുതരമെന്നാണ് വിവരം.അപകടത്തിൽ യുവാക്കൾ പൊലീസിൽ പരാതി നൽകി.