ആലപ്പുഴയില്‍ ബാറില്‍ സംഘര്‍ഷം; മദ്യപാനികളും ജീവനക്കാരും തമ്മില്‍ ഏറ്റുമുട്ടി; 3 പേര്‍ക്ക് പരിക്ക്,

ആലപ്പുഴ: ബാറില്‍ കൂട്ടയടി.അമ്പലപ്പുഴ വടക്ക് പറവൂരിലെ ബാറിലാണ് മദ്യപിക്കാനെത്തിയ സംഘം ജീവനക്കാരുമായി ഏറ്റുമുട്ടിയത്.

ഇവരുടെ ആക്രമണത്തില്‍ ബാര്‍ ജീവനക്കാരായ മൂന്നുപേര്‍ക്ക് പരിക്കേറ്റു. ആനന്ദ കൃഷ്ണൻ ,കിഷോര്‍ ,അജിത് എന്നീ ബാര്‍ ജീവനക്കാര്‍ക്ക് പരിക്കാണ് പരിക്കേറ്റത്. സംഭവത്തിന്‍റെ സി.സി.ടി.വി ദൃശ്യങ്ങള്‍ പുറത്തുവന്നിട്ടുണ്ട്. കഴിഞ്ഞ സെപ്റ്റംബർ 2 നായിരുന്നു സംഭവം.

ബാറിലെത്തിയ സംഘം മദ്യകുപ്പികളും ഫര്‍ണീച്ചറുകളും അടിച്ചു തകര്‍ക്കുന്നതും ദൃശ്യങ്ങളില്‍ കാണാം. ബാറുടമയുടെ പരാതിയില്‍ 8 പേര്‍ക്കെതിരെ പുന്നപ്ര പൊലീസ് കേസെടുത്തു. സംഭവത്തില്‍ തുമ്ബോളി സ്വദേശി ഹരീഷ് ,വാടക്കല്‍ സ്വദേശി പ്രജിത് എന്നിവരെ അറസ്റ്റ് ചെയ്തിട്ടുണ്ട്.