ഓണാഘോഷത്തിന് സ്വന്തം വീട്ടിലെത്തിയ കക്കാട് സ്വദേശിനി വാഹനാപകടത്തിൽ മരണപെട്ടു

എറണാകുളം;ഓണാഘോഷത്തിൽ പങ്കെടുക്കുന്നതിനു സ്വന്തം വീട്ടിലെത്തിയ യുവതി വാഹനാപകടത്തിൽ മരിച്ചു. കക്കാട് മുട്ടുംപുറത്ത് മായ (31) ആണു സ്കൂട്ടറിൽ സഹോദരിക്കൊപ്പം യാത്ര ചെയ്യുമ്പോൾ കാർ ഇടിച്ചുണ്ടായ അപകടത്തിൽ ‍മരിച്ചത്. സംസ്കാരം നടത്തി. ഭർത്താവ്: ജിനുരാജ് (സൗദി).

വടക്കാഞ്ചേരി പുന്നംപറമ്പിൽ തിങ്കൾ രാത്രി 9 മണിയോടെയാണ് അപകടം. തിങ്കൾ ഉച്ചയോടെയാണു മായ പിറവത്തു നിന്നു തെക്കുംകര പഴയന്നൂർ പാടം പുളിക്കൽ വീട്ടിൽ എത്തിയത്. 

വൈകിട്ടു സഹോദരി മഞ്ജുവിനൊപ്പം ഓണത്തിനു സാധനങ്ങൾ വാങ്ങാനാണ് പുന്നംപറമ്പിൽ എത്തിയത്. മടങ്ങുന്നതിനിടെയായിരുന്നു അപകടം. മഞ്ജുവിനും പരുക്കുണ്ട്. മോഹനന്റെയും ഭാഗ്യലക്ഷ്മിയുടെയും മക്കളാണ്. മായയുടെ മകൻ: ആദിനാഥ്.