മുൻ മുഖ്യമന്ത്രി ഉമ്മൻചാണ്ടിയുടെ നിര്യാണത്തെ തുടർന്ന് നടത്താനിരുന്ന പുതുപ്പള്ളി മണ്ഡലത്തിലെ ഉപതിരഞ്ഞെടുപ്പ് പ്രഖ്യാപിച്ചു.

കോട്ടയം;മുൻ മുഖ്യമന്ത്രി ഉമ്മൻചാണ്ടിയുടെ നിര്യാണത്തെ തുടർന്ന് നടത്താനിരുന്ന പുതുപ്പള്ളി മണ്ഡലത്തിലെ ഉപതിരഞ്ഞെടുപ്പ് പ്രഖ്യാപിച്ചു.

സെപ്റ്റംബർ 5 ന് പുതുപ്പള്ളിയിൽ ഉപതിരഞ്ഞെടുപ്പ് നടത്തുമെന്ന് ഇലക്ഷൻ കമ്മീഷൻ അറിയിച്ചു.സ്ഥാനാർത്ഥികൾക്ക് നാമനിർദ്ദേശ പത്രിക നൽകാനുള്ള അവസാന ദിവസം ഓഗസ്റ്റ് 17 ന് അവസാനിക്കും ഫലപ്രഖ്യാപനം സെപ്റ്റംബർ 8 ന് നടത്തുമെന്നും കമ്മീഷൻ അറിയിച്ചു.

 കഴിഞ്ഞ തവണ കേരളത്തിലെ ഏറ്റവും ജനകിയനായ നേതാവും പുതുപ്പള്ളിക്കാരുടെ വികസന നായകനുമായ ഉമ്മൻചാണ്ടിക്ക് എതിരെ മത്സരിച്ചവർ ഡിവൈഎഫ്ഐ നേതാവ് ജെയ്ക്ക് സി തോമസും. ബിജെപിയുടെ സ്ഥാനാർത്ഥിയായി ശക്തമായ പ്രകടനം കാഴ്ച വെച്ചത് മധ്യമേഖലാ പ്രസിഡന്റ് എൻ ഹരിയും ആയിരുന്നു.

ഉമ്മൻ ചാണ്ടിയുടെ അഭാവത്തിൽ ജെയ്ക്ക് ഉൾപ്പടെ മൂന്നോളം നേതാക്കളുടെ പേരുകൾ സിപിഎം ആലോചിക്കുന്നുണ്ടെന്ന് പാർട്ടി വൃത്തങ്ങൾ അനൗദ്യോഗികമായി പറഞ്ഞു.കോട്ടയം ജില്ലയിലെ ബിജെപിയുടെ ഏറ്റവും ജനകീയമുഖം എൻ ഹരി വീണ്ടും മത്സര രംഗത്തേക്ക് വരുമോ എന്ന കാര്യം വ്യക്തമല്ല. 

ജനകീയനും കോട്ടയത്തെ ശക്തനായ നേതാവുമാണെങ്കിലും നിലവിലെ സാഹചര്യത്തിൽ ബിജെപി കോട്ടയം ജില്ലയിൽ ദുർബലമായി പോകുന്ന സാഹചര്യത്തിൽ കേന്ദ്ര നിർദേശം അനുസരിച്ചായിരിക്കും സ്ഥാനാർഥി നിർണ്ണയം എന്നും വിലയിരുത്തലുണ്ട്.

അതേ സമയം ഉമ്മൻചാണ്ടിയുടെ പകരക്കാരനായി ചാണ്ടി ഉമ്മൻ തന്നെ മത്സര രംഗത്ത് ഉണ്ടാകുമെന്ന് കോൺഗ്രസ് നേതൃത്വം അനൗദ്യോഗികമായി അറിയിച്ചു.ദിവസങ്ങളായി കോൺഗ്രസ് നേതൃത്വം മണ്ഡലത്തിൽ സജീവമാണ്