തിരുവനന്തപുരം: വൈദ്യുതി ബില് കുടിശ്ശിക വൻ പലിശയിളവോടെ തീര്ക്കാൻ സുവര്ണ്ണാവസരമൊരുക്കി കെഎസ്ഇബി.
.jpeg)
റവന്യൂ റിക്കവറി നടപടികള് പുരോഗമിക്കുന്നതോ കോടതി വ്യവഹാരത്തിലുള്ളതോ ആയ കുടിശ്ശികകളും ഈ പദ്ധതിയിലൂടെ തീര്പ്പാക്കാം.
ലോ ടെൻഷൻ ഉപഭോക്താക്കള്ക്ക് അതത് സെക്ഷൻ ഓഫീസിലും ഹൈ ടെൻഷൻ ഉപഭോക്താക്കള് സ്പെഷ്യല് ഓഫീസര് റെവന്യൂ കാര്യാലയത്തിലുമാണ് ഈ സേവനം ലഭ്യമാവുക.
15 വര്ഷത്തിന് മുകളിലുള്ള കുടിശ്ശികകള്ക്ക് പലിശ നാല് ശതമാനം മാത്രമാണ്. അഞ്ച് മുതല് 15 വര്ഷം വരെ പഴക്കമുള്ള കുടിശ്ശികകള്ക്ക് പലിശ അഞ്ച് ശതമാനമാണ്. രണ്ടു മുതല് അഞ്ച് വര്ഷം വരെ പഴക്കമുള്ള കുടിശ്ശികകള്ക്ക് പലിശ ആറ് ശതമാനവുമാണ്.
വൈദ്യുതി കുടിശ്ശികകള്ക്ക് ഉള്ള പലിശകള് 6 തവണകളായി അടയ്ക്കാൻ അവസരമുണ്ട്. മുഴുവൻ വൈദ്യുതി കുടിശ്ശികയും പലിശയുള്പ്പെടെ ഒറ്റത്തവണയായി തീര്പ്പാക്കിയാല് ആകെ പലിശ തുകയില് രണ്ട് ശതമാനം അധിക ഇളവും ലഭിക്കും. പരിമിതകാലത്തേക്കു മാത്രമാണ് ഈ അവസരമെന്നും കെഎസ്ഇബി അറിയിച്ചു.
അതേസമയം, ആധാര് നമ്ബര് വൈദ്യുതി കണക്ഷനുമായി ബന്ധപ്പെടുത്തിയില്ലെങ്കില് വൈദ്യുതി വിച്ഛേദിക്കും എന്നതടക്കമുള്ള മെസേജുകള് തട്ടിപ്പാണെന്നും ഉപഭോക്താക്കള് ജാഗ്രത പാലിക്കണമെന്നും കെ എസ് ഇ ബി അറിയിച്ചു.
ഉപഭോക്താവിന്റെ ബാങ്ക് വിവരങ്ങള് കൈക്കലാക്കി പണം കവരുകയും ചെയ്യുന്ന ശൈലിയാണ് ഇത്തരം തട്ടിപ്പുകാര്ക്കുള്ളതെന്നും കെ എസ് ഇ ബി ഫേസ്ബുക്ക് പോസ്റ്റിലൂടെ വ്യക്തമാക്കി.
കെ എസ് ഇ ബി അയക്കുന്ന സന്ദേശങ്ങളില് 13 അക്ക കണ്സ്യൂമര് നമ്ബര്, അടയ്ക്കേണ്ട തുക, പണമടയ്ക്കാനുള്ള ലിങ്ക് തുടങ്ങിയ വിവരങ്ങള് ഉള്പ്പെടുത്തിയിരിക്കും.
ഉപഭോക്താവിന്റെ ബാങ്ക് അക്കൗണ്ട് വിവരങ്ങള്, ഒ ടി പി തുടങ്ങിയവ ഒരു ഘട്ടത്തിലും കെ എസ് ഇ ബി ഉദ്യോഗസ്ഥര് ആവശ്യപ്പെടില്ലെന്നും ഇത്തരം വ്യാജ സന്ദേശങ്ങളോട് യാതൊരു കാരണവശാലും പ്രതികരിക്കരുതെന്നും കെ എസ് ഇ ബി ആവശ്യപ്പെട്ടു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.