ഓണമെത്തി, കൂടെ വ്യാജ മദ്യവും: സംസ്ഥാനത്ത് വൻ വ്യാജമദ്യവേട്ട 504. ലിറ്ററുമായി 3 പേർ പിടിയിൽ

തിരുവനന്തപുരം: ഓണമടുത്തതോടെ വ്യാജമദ്യ നിര്‍മ്മാണം വ്യാപകമാവുന്നു. തിരുവനന്തപുരം നെയ്യാറ്റില്‍കരയില്‍ 504 ലിറ്റര്‍ വ്യാജമദ്യമാണ് പിടികൂടിയത്.

നെയ്യാറ്റിൻകര എക്സൈസാണ് വ്യാജ മദ്യം പിടികൂടിയത്. മലയിൻകീഴ്, വെള്ളായണി സ്വദേശികളായ പ്രകാശ്, സതീഷ്‌കുമാര്‍, സതീഷ് കുമാര്‍ എന്നിവരെയാണ് എക്സൈസ് അറസ്റ്റ് ചെയ്തത്.

ഓണം അടുത്തതോടെ ഇവര്‍ വ്യാജമദ്യം ഉണ്ടാക്കി വില്‍പ്പന നടത്താൻ ശ്രമിക്കുകയായിരുന്നു. ഇതിനായി വീടെടുത്ത് ഇവര്‍ സ്വയം മദ്യം ഉണ്ടാക്കുകയായിരുന്നു. 

കൂടാതെ മദ്യക്കുപ്പിയില്‍ ഒട്ടിക്കാൻ എക്സൈസിന്റെ സ്റ്റിക്കറും നിര്‍മ്മിച്ചിരുന്നു. 1008 കുപ്പികളിലായാണ് മദ്യം നിറച്ച്‌ വച്ചിരുന്നത്. ഓണം അടുത്ത പശ്ചാത്തലത്തില്‍ എക്സൈസ് നടത്തിയ പരിശോധനയിലാണ് മൂന്നുപേരും അറസ്റ്റിലായത്.