കറന്റ് ചാര്‍ജ് കൂടിയതിന് KSEB ഉദ്യോഗസ്ഥനെ വെട്ടിക്കൊലപ്പെടുത്താന്‍ ശ്രമം; പ്രതി പിടിയില്‍

കോട്ടയം: കറന്റ് ചാര്‍ജ് കൂടിയതിന് കെ.എസ്.ഇ.ബി. ഉദ്യോഗസ്ഥനെ വാക്കത്തിക്ക് വെട്ടിക്കൊലപ്പെടുത്താൻ ശ്രമിച്ചയാള്‍ പോലീസ് പിടിയില്‍.

പാലാ വള്ളിച്ചിറ വലവൂര്‍ കൊങ്ങിണിക്കാട്ടില്‍ വീട്ടില്‍ വിനോദിനെ (50) ആണ് അറസ്റ്റുചെയ്തത്. കഴിഞ്ഞദിവസം വീട്ടില്‍ മീറ്റര്‍ റീഡിങ് എടുക്കാനെത്തിയ കെ.എസ്.ഇ.ബി. ഉദ്യോഗസ്ഥനെ കറന്റ് ചാര്‍ജ് കൂടിയതിലുള്ള വിരോധത്തെതുടര്‍ന്ന് ചീത്തവിളിക്കുകയും വാക്കത്തിക്ക് വെട്ടിക്കൊല്ലാൻ ശ്രമിക്കുകയുമായിരുന്നുവെന്ന്  പോലീസ് പറഞ്ഞു. 

പാലാ പോലീസ് കേസെടുത്ത് ഡിവൈ.എസ്.പി. എ.ജെ.തോമസിന്റെ നേതൃത്വത്തില്‍ നടത്തിയ അന്വേഷണത്തിലാണ് പ്രതി പിടിയിലായത്. പ്രതിക്കെതിരേ പാലാ സ്റ്റേഷനില്‍ ക്രിമിനല്‍ കേസുകള്‍ നിലവിലുണ്ടെന്ന് പോലീസ് പറഞ്ഞു. കോടതിയില്‍ ഹാജരാക്കിയ ഇയാളെ റിമാൻഡുചെയ്തു.