ഹൈദരാബാദ്: നടുറോഡില്‍ യുവതിയെ വിവസ്ത്രയാക്കി യുവാവിന്റെ അതിക്രമം. പ്രതിയുടെ മാതാവ് നോക്കിനില്‍ക്കെയായിരുന്നു പ്രവൃത്തി.
കഴിഞ്ഞ ദിവസം രാത്രി എട്ട് മണിയോടെയായിരുന്നു നടുക്കുന്ന സംഭവം ഉണ്ടായത്. ജവഹര്‍ നഗറിന് സമീപമുള്ള ഒരു തുണിക്കടയില്‍ നിന്ന് ഇറങ്ങിവരികയായിരുന്ന യുവതിയുടെ ശരീരത്തില്‍ യുവാവ് മോശമായി രീതിയില്‍ സ്പര്‍ശിച്ചു. ഇത് ചോദ്യംചെയ്തതോടെ ഇരുവരും തമ്മില്‍ തര്‍ക്കമാകുകയും രോഷാകുലനായ യുവാവ് ബലംപ്രയോഗിച്ച്‌ യുവതിയെ വിവസ്ത്രയാക്കുകയായിരുന്നു.
ഈ സമയത്ത് അതുവഴി സ്‌കൂട്ടറില്‍ വന്ന യുവതി ഇത് തടയാന്‍ ശ്രമിച്ചെങ്കിലും അവര്‍ക്കുനേരേയും യുവാവ് അതിക്രമം നടത്തി.
തുടര്‍ന്ന് പതിനഞ്ച് മിനിറ്റോളം വിവസ്ത്രയായി യുവതിക്ക് റോഡില്‍ കിടക്കേണ്ടിവന്നു. പിന്നീട് ചില വഴിയാത്രക്കാരായ സ്ത്രീകള്‍ താര്‍പോളിന്‍ ഷീറ്റുകൊണ്ട്‌ യുവതിയെ പുതപ്പിച്ചശേഷം സുരക്ഷിത സ്ഥാനത്തേക്ക് മാറ്റുകയായിരുന്നു.
വിവരമറിഞ്ഞ് സ്ഥലത്തെത്തിയ പോലീസ് യുവാവിനെ കസ്റ്റഡിയിലെടുത്തു. ഇതിനെല്ലാം സാക്ഷിയായ, മകന്റെ അതിക്രമം തടയാതിരുന്ന ഇയാളുടെ മാതാവിനെതിരേയും പോലീസ് കേസെടുത്തിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.