'നഗരസഭാധ്യക്ഷ ഇടപെട്ടു. നഗരപ്രദേശത്തെകേടായ സ്ട്രീറ്റ് ലൈറ്റുകൾ ഉടൻ തെളിക്കും.

പാലാ: ഇടി മിന്നലിലും കനത്ത മഴയിലും കേടായ   നഗരപ്രദേശത്തെ പ്രകാശിക്കാത്ത ഹൈമാസ്റ്റ് ലൈറ്റുകൾ ഉൾപ്പെടെ സ്ഥിരമായി തെളിയുന്നതിനായി ആന്വവൽ മെയിൻറൻസ് കോൺട്രാക്‌ട് വ്യവസ്ഥയിൽ ( എ എം.സി) തുക നീക്കിവച്ച് ടെൻഡർ നടപടികൾ സ്വീകരിച്ച് കഴിഞ്ഞതായി ചെയർപേഴ്സൺ ജോസിൻ ബിനോ അറിയിച്ചു..

എം.പി, എം.എ ൽ.എ ഫണ്ടുകൾ ഉപയോഗിച്ച് സ്ഥാപിച്ചിരിക്കുന്ന മിനി ഹൈമാസ്റ്റ് ലൈറ്റുകൾ ഗാരൻ്റി പീരിയഡ് കഴിയാത്തതിനാൽ ഉടൻ അറ്റകുറ്റപണികൾ ചെയ്യണമെന്നാവശ്യപ്പെട്ട് വിളക്കുകൾ സ്ഥാപിച്ച കമ്പനികൾക്ക് കത്ത് നൽകും.സിവിൽ സ്റ്റേഷൻ കോപ്ളക്സിൽ വിവിധ ആവശ്യങ്ങൾക്ക് എത്തുന്ന പൊതുജനങ്ങളുടെ പ്രാഥമിക ആവശ്യം നിറവേറ്റുകയെന്ന ഉദ്ദേശത്തോടെ റവന്യൂ അധികാരികളുടെ ആവശ്യപ്രകാരമാണ് നഗരസഭ ശുചിത്വമിഷ്യൻ ഫണ്ട് ഉപയോഗിച്ച് സിവിൽ സ്‌റ്റേഷൻ കോപ്ളക്സിൽ ശൗചാലയം നിർമ്മിച്ചത്.

എന്നാൽ സാമുഹ്യ വിരുദ്ധർ ശൗചാലയത്തിലെ സൗകര്യങ്ങൾ മുഴുവൻ നശിപ്പിച്ച് ഉപയോഗശൂന്യമാക്കിയിരിക്കുകയാണ്. ഈ ശുചി മുറികൾ അറ്റകുറ്റപണി നടത്തി ഉപയോഗയോഗ്യമാക്കാനുള്ള എസ്റ്റിമേറ്റ് എടുക്കുന്നതിന് എഞ്ചിനിയറിംഗ് വിഭാഗത്തിന് നിർദ്ദേശം നൽകിയിട്ടുണ്ട്.ഇത് സംബന്ധിച്ച് പത്രമാധ്യമങ്ങളിൽ വന്ന വാർത്തയോട് പ്രതികരിക്കുകയായിരുന്നു ചെയർപേഴ്സൺ ജോസിൻ ബിനോ