കോട്ടയം ജില്ലാ പോലീസ് ആസ്ഥാനത്ത് ഓണാഘോഷം നടത്തി.

കോട്ടയം: ജില്ലാ പോലീസ് ആസ്ഥാനത്ത് വിപുലമായ  ഓണാഘോഷ പരിപാടികള്‍ നടന്നു. പരിപാടിയുടെ ഉദ്ഘാടനം  ജില്ലാ പോലീസ് മേധാവി കെ കാർത്തിക് ഐ.പി.എസ്  നിർവഹിച്ചു.

ജാതി മത ഭേദമന്യേ എല്ലാവരും  ഓണാഘോഷത്തിൽ പങ്കെടുക്കുകയാണെന്നും തുടർന്നും ഇത്തരത്തിലുള്ള  സന്തോഷകരമായ ദിനങ്ങള്‍ എല്ലാവർക്കും ഉണ്ടാകട്ടെ എന്നും ജില്ലാ പോലീസ് മേധാവി ആശംസിച്ചു.

ചടങ്ങിൽ അഡിഷണൽ എസ്.പി ഷാജു പോൾ, നകുല്‍ രാജേന്ദ്രദേശ്മുഖ് ( എ.എസ്.പി വൈക്കം )  വിവിധ ഡി.വൈ.എസ്.പി  മാര്‍, മിനിസ്റ്റീരിയൽ സ്റ്റാഫ്, പോലീസ് ഉദ്യോഗസ്ഥർ , കുടുംബാംഗങ്ങൾ തുടങ്ങിയവരും പങ്കെടുത്തു.

ഇതിനോടനുബന്ധിച്ച് വിവിധ കലാ,കായിക പരിപാടികൾ അരങ്ങേറുകയും, വിജയികൾക്ക് സമ്മാനദാനം നിർവഹിക്കുകയും ചെയ്തു.