തൃശൂർ : വീഴ്ച്ചയിൽ കൈപിടിച്ചുയർത്തി നിര്‍ധന കുടുംബത്തിന് തലചായ്ക്കാൻ വീടൊരുക്കി തൃശൂര്‍ അരിമ്പൂരിലെ ഡിവൈഎഫ്ഐ പ്രവര്‍ത്തകര്‍.
ഡിവൈഎഫ്‌ഐയുടെ ഔദ്യോഗിക ഫേസ്ബുക്ക് പേജിലും വിവരം പങ്കുവച്ചു.അരിമ്പൂര്‍ ഗ്രാമപഞ്ചായത്തിലെ വെളുത്തൂര്‍ പതിനൊന്നാം വാര്‍ഡ് ലക്ഷം വീട് കോളനിയില്‍ ചകേരില്‍ വീട്ടില്‍ രതിയുടെ കുടുംബത്തിനാണ് ഡി വൈ എഫ് ഐ വെളുത്തുര്‍ റെഡ് ആര്‍മി യൂണിറ്റിന്റെ നേതൃത്വത്തില്‍ സ്വപ്നഭവനം ഒരുങ്ങിയത്.
കടുത്ത രോഗവസ്ഥയില്‍ കാല്‍ മുറിച്ചുകളയേണ്ടി വരുകയും സാങ്കേതിക പ്രശ്‌നങ്ങളില്‍ കുരുങ്ങി ലൈഫ് പദ്ധതിയില്‍ പോലും ഉള്‍പ്പെടാതെ വരികയും ചെയ്തതോടെയാണ് ഈ കുടുംബത്തിനുവേണ്ടി യുവജന പ്രസ്ഥാനത്തിന്റെ ഇടപെടലുണ്ടായത്.
വീടിന്റെ നിര്‍മാണം പുരോഗമിക്കുന്നതിനിടയില്‍ കുടുംബനാഥയായ രതി മരണമടഞ്ഞിരുന്നു. ഭര്‍ത്താവ് ബാബുവിനും, രണ്ട് മക്കള്‍ക്കും വേണ്ടി അടച്ചുറപ്പുള്ള വീടൊരുക്കാനുള്ള പരിശ്രമങ്ങള്‍ ഡിവൈഎഫ്ഐ പ്രവര്‍ത്തകര്‍ തുടര്‍ന്നു.
ഒപ്പം നിരവധി സുമനസുകളും കൈകോര്‍ത്തതോടെ 3 ലക്ഷം രൂപ ചെലവില്‍ 400 ചതുരശ്ര അടിയുള്ള വീട് യാഥാര്‍ത്ഥ്യമായി. നിര്‍മ്മാണ പ്രവര്‍ത്തികളെല്ലാം ഡിവൈഎഫ്ഐ പ്രവര്‍ത്തകര്‍ തന്നെ ഏറ്റെടുത്ത് പൂര്‍ത്തിയാക്കുകയായിരുന്നു.
കഴിഞ്ഞദിവസം നടന്ന ചടങ്ങില്‍ ഡി വൈ എഫ് ഐ സംസ്ഥാന സെക്രട്ടറി വി കെ സനോജ് ആണ് വീടിന്റെ താക്കോല്‍ ദാനം നിര്‍വഹിച്ചത്. റെഡ് ആര്‍മി യൂണിറ്റ് സെക്രട്ടറി സി സി ദീക്ഷിദ് അധ്യക്ഷത വഹിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.