ന്യൂഡല്‍ഹി:കോണ്‍ഗ്രസ് പ്രവര്‍ത്തക സമിതി അംഗങ്ങളെ പ്രഖ്യാപിച്ചു. ശശി തരൂര്‍ എം പി,എ ഐ സി സി ജനറല്‍ സെക്രട്ടറി കെ സി വേണുഗോപാല്‍,സച്ചിൻ പൈലറ്റ് എന്നിവര്‍ പ്രവർത്തകസമിതിയിൽ ഉണ്ട്. മുതിർന്ന നേതാവ് എ കെ ആന്റണിയെ പ്രവർത്തക സമിതിയിൽ നിലനിര്‍ത്തിയിട്ടുണ്ട്.പ്രവര്‍ത്തക സമിതിയിൽ 39 പേരാണുള്ളത്.
അതേസമയം രമേശ് ചെന്നിത്തലയെ സ്ഥിരം ക്ഷണിതാവായാണ് പ്രവർത്തകസമിതിയിൽ ഉൾപ്പെടുത്തിയത്.കൊടുക്കുന്നിൽ സുരേഷ് എം.പിക്ക് പ്രത്യേക ക്ഷണിതാവായി പ്രവർത്തകസമിതിയോഗത്തിൽ പങ്കെടുക്കാം.കനയ്യ കുമാര്‍ സ്ഥിരം ക്ഷണിതാവാണ്. പ്രവർത്തക സമിതിയിലെ 39 അംഗങ്ങൾക്ക് പുറമെ 23 സ്ഥിരം ക്ഷണിതാക്കളും പ്രവർത്തക സമിതിയിലുണ്ട്.
സോണിയ ഗാന്ധി,രാഹുല്‍ ഗാന്ധി,മല്ലികാര്‍ജ്ജുൻ ഖാര്‍ഗെ, മൻമോഹൻസിംഗ്,അധിർ രഞ്ജൻ ചൗധരി എന്നിവര്‍ പ്രവർത്തകസമിതിയിൽ തുടരും. കോൺഗ്രസ് നേതൃത്വത്തിനെതിരെ അടുത്തകാലത്തായി രംഗത്തെത്തിയ തിരുത്തൽ വാദികളായ ജി- 23 നേതാക്കളെയും കോൺഗ്രസ് പ്രവർത്തകസമിതിയിൽ ഉൾപ്പെടുത്തി.
ജി-23 നേതാവായ മനീഷ് തിവാരിയെ സ്ഥിരം ക്ഷണിതവായി ഉൾപ്പെടുത്തി.അതേസമയം,ക്ഷണിതാവ് മാത്രമായതിനാല്‍ രമേശ് ചെന്നിത്തല ഹൈക്കമാൻഡിനെ അതൃപ്തി അറിയിച്ചു.പത്തൊൻപത് വര്‍ഷം ഇതേ പദവിയിലാണെന്നും ചര്‍ച്ചകളൊന്നും നടത്താതെയാണ് പ്രഖ്യാപനമെന്നും അദ്ദേഹം പ്രതികരിച്ചു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.