മദ്യപിക്കുന്നതിനിടെ രണ്ടാം നിലയിൽനിന്ന് ആറ്റിലേക്കു ചാടി; ഈരാറ്റുപേട്ടയിൽ യുവാവിന് ദാരുണാന്ത്യം

ഈരാറ്റുപേട്ട ; സുഹൃത്തുക്കളുമൊത്തു മദ്യപിക്കുന്നതിനിടെ മീനച്ചിലാറ്റിൽ ചാടിയ നേപ്പാൾ സ്വദേശി സുലോചൻ തരു (23) മരിച്ചു.

ശനിയാഴ്ച രാത്രി പത്തോടെ വട്ടക്കയത്താണു സംഭവം. ആറ്റുതീരത്തുള്ള കെട്ടി‍ടത്തിന്റെ രണ്ടാം നിലയിലാണു സുലോചൻ ഉൾപ്പെടെ താമസിച്ചിരുന്നത്.

 സുഹൃത്തുക്കൾക്കൊപ്പം മദ്യപിക്കുന്നതിനിടെ ഇയാൾ ആറ്റിലേക്കു ചാടുകയായിരുന്നുവെന്നു പൊലീസ് പറഞ്ഞു.