വീട് തകര്‍ന്നു വീണു: വയോധികയ്ക്ക് ഗുരുതര പരിക്ക്

ഇരവിപുരം: വീട് തകര്‍ന്നു വീണ് അടുക്കളയില്‍ നിന്ന വയോധികയായ വീട്ടമ്മക്ക് ഗുരുതര പരിക്ക്. അയത്തില്‍ വലിയ മാടം തെക്കതില്‍ ആനന്ദവല്ലിക്കാണ് (76) പരിക്കേറ്റത്.

ശനിയാഴ്ച രാവിലെ ഒമ്ബതരയോടെയായിരുന്നു സംഭവം. മണ്‍കട്ടകൊണ്ട് കെട്ടിയ അടുക്കളയുടെ ഭാഗം തകര്‍ന്ന് വീഴുകയായിരുന്നു. നാട്ടുകാര്‍ ആണ് ഇവരെ പുറത്തെടുത്ത് മേവറത്തെ ആശുപത്രിയില്‍ എത്തിച്ചത്.

മുഖത്തും കാലിനും, തലക്കും ഗുരുതര പരിക്കേറ്റ ഇവര്‍ സഹകരണ ആശുപത്രിയില്‍ ചികിത്സയിലാണ്. ഇവരുടെ പല്ലുകളും പോയിട്ടുണ്ട്.