നവ ദമ്പതികൾ പുഴയിലേക്ക് ചാടി ആത്മഹത്യക്ക് ശ്രമിച്ചു യുവതിയെ തോണിക്കാർ രക്ഷപെടുത്തി മുങ്ങിതാഴ്ന്ന യുവാവിനായുള്ള തിരച്ചിൽ പുരോഗമിക്കുന്നു

കോഴിക്കോട്: നവ ദമ്പതികൾ ഫറോക്ക് പാലത്തിൽ നിന്നും പുഴയിലേക്ക് ചാടി ആത്മഹത്യക്ക് ശ്രമിച്ചു. മലപ്പുറം സ്വദേശികളായ ജിതിൻ, വർഷ എന്നിവരാണ് ചാലിയാറിൽ ചാടിയത്.

യുവതിയെ തോണിക്കാർ ചേർന്ന് രക്ഷിച്ചു. തുടർന്ന് കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റി. അടിയൊഴുക്കുള്ള സ്ഥലത്ത് മുങ്ങിത്താഴ്ന്ന ജിതിന് വേണ്ടി തിരച്ചിൽ പുരോ​ഗമിക്കുകയാണ്.

ആറുമാസം മുൻപാണ് ജിതിനും വർഷയും രജിസ്റ്റർ വിവാഹം ചെയ്തത്. ഇവർ കുടുംബ പ്രശ്നങ്ങളെ തുടർന്ന് ശനിയാഴ്ച രാത്രി വീട്ടിൽ നിന്നിറിങ്ങിയതാണെന്ന് ബന്ധുക്കൾ പറയുന്നു.