കണ്ണൂരും കാസർഗോഡും പനിബാധിച്ച് രണ്ട് കുട്ടികൾക്ക് ദാരുണാന്ത്യം

കണ്ണൂർ; തലശേരി ജനറൽ ആശുപത്രിയിലെ നഴ്‌സിങ്ങ്‌ ഓഫീസർ മലപ്പുറം മങ്കട സ്വദേശി ജനിഷയുടെ മകൾ അസ്‌ക സോയ (9) പനി ബാധിച്ച്‌ മരിച്ചു. വെള്ളിയാഴ്‌ച രാത്രിയാണ്‌ ജനറൽ ആശുപത്രി ബേബിവാർഡിൽ പ്രവേശിപ്പിച്ചത്‌. പുലർച്ചെ രണ്ട്‌ മണിയോടെ കോഴിക്കോട് മെഡിക്കൽ കോളേജിലേക്ക് മാറ്റി.

തുടർന്ന് കോഴിക്കോട്‌ മെഡിക്കൽ കോളേജ്‌ ആശുപത്രി വെന്റിലേറ്ററിൽ പുലർച്ചെ 5 മണിയോടെയാണ്‌ മരണം. എച്ച്‌വൺ എൻവൺ പനിയാണെന്ന്‌ സംശയിക്കുന്നു. പിതാവ്‌: മുഹമ്മദ്‌ അഷറഫ്‌. ഒരു സഹോദരനുണ്ട്‌. മൃതദേഹം കോഴിക്കോട്‌ മെഡിക്കൽ കോളേജ്‌ ആശുപത്രിയിൽ.

കാസർഗോഡും പനിബാധിച്ച് മൂന്ന് വയസുകാരൻ മരിച്ചു ബലേഷ് അശ്വതി ദമ്പതികളുടെ ഇരട്ടക്കുട്ടികളില്‍ ഒരാളായ  ശ്രീബാലുവാണ് മരിച്ചത്. സഹോദരന്‍  ശിവ ബാലു.