മദ്യലഹരിയിൽ രണ്ടുപേരെ വാഹനമിടിച്ചു കൊലപ്പെടുത്തിയ യുവതി കരൾ രോഗത്തെത്തുടർന്ന് മരിച്ചു

മുംബൈ ;മദ്യലഹരിയിൽ വാഹനമോടിച്ച് രണ്ടു പേരുടെ മരണത്തിനിടയാക്കിയ സംഭവത്തിൽ ശിക്ഷിക്കപ്പെട്ട യുവതി നൂറിയ ഹവേലിവാല (41) ഗുരുതര കരൾ രോഗത്തെത്തുടർന്നു മരിച്ചു.

2010 ജനുവരിയിൽ മദ്യലഹരിയിൽ ഇവർ ഓടിച്ച കാർ ദക്ഷിണ മുംബൈയിലെ മറൈൻ ലൈൻസിൽ വച്ചാണ് യാത്രക്കാർക്കിടയിലേക്കു പാഞ്ഞുകയറിയത്. പൊലീസുകാരനും ബൈക്ക് യാത്രക്കാരനുമാണ് മരിച്ചത്.

കേസിൽ 5 വർഷത്തെ ശിക്ഷ പൂർത്തിയാക്കി അമ്മയ്ക്കൊപ്പം താമസിക്കുകയായിരുന്നു. കടുത്ത വിഷാദരോഗബാധിതയായിരുന്നു യുവതി. യുഎസിൽ പഠനം പൂർത്തിയാക്കി, 

ബ്യൂട്ടിഷ്യനും ഹെയർ സ്റ്റൈലിസ്റ്റുമായി പ്രവർത്തിച്ചിരുന്ന നൂറിയ സുഹൃത്തുക്കൾക്കൊപ്പം നിശാപാർട്ടി കഴിഞ്ഞ് വാഹനം ഓടിച്ചു പോകവെയാണ് അപകടം സംഭവിച്ചത്.