തൃശ്ശൂർ ചേലക്കരക്കടുത്ത് മുള്ളൂർക്കര വാഴക്കോട് കാട്ടാനയെ കൊന്ന് കുഴിച്ചു മൂടി

തൃശൂർ;വാഴക്കോട് റോയി എന്ന സ്വകാര്യ വ്യക്തിയുടെ റബ്ബർ തോട്ടത്തിലാണ് ആനയുടെ ജഡം കണ്ടെത്തിയത്. വിവരമറിഞ്ഞ് വനം വകുപ്പ് ഉദ്യോഗസ്ഥർ സ്ഥലത്തെത്തി ജെസിബി ഉപയോഗിച്ച് മണ്ണ് നീക്കി ആനയുടെ ജഡം പുറത്തെടുത്തു.

വനം വന്യജീവി വിഭാഗത്തിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. ആനയുടെ അസ്ഥികൂടം പരിശോധനയിൽ കണ്ടെത്തി. രണ്ടര മാസത്തെ പഴക്കമാണ് ഇതിന് സംശയിക്കുന്നത്. 

വേഗം അഴുകിപ്പോകാൻ എന്തെങ്കിലും രാസപദാർത്ഥം കലർത്തിയോ എന്ന് വ്യക്തമല്ല.സംഭവത്തിൽ അന്വേഷണം നടത്തുമെന്നും മരണ കാരണം വിലയിരുത്തി തുടർ നടപടികളിലേക്ക് കടക്കുമെന്നും പോലീസും ഫോറസ്റ്റ് ഉദ്യോഗസ്ഥരും അറിയിച്ചു.